صلوا على النبي
"عليه الصلاة و السلام"....
انا عايزة اكلم الشباب من سن 18 ل 83 سنة...!
انفض مولد انتخابات التجديد النصفي لمجلس الشورى و الكل طلع منه بلا حمص..
ليه؟
"عليه الصلاة و السلام"....
انا عايزة اكلم الشباب من سن 18 ل 83 سنة...!
انفض مولد انتخابات التجديد النصفي لمجلس الشورى و الكل طلع منه بلا حمص..
ليه؟
عشان اللي بيتوزع كان شوكلاتة ميعرفش طعمها الا ولاد الذوات في"بارتي"مش مولد..
عرفتوا بقى ان الباقي بيئة..و ميستاهلوش يدخلوا المجلس!؟..
هيعروا "الوطن"...
ما تصلوا على النبي يا جماعة....
"عليه الصلاة و السلام"
اللي نفسي افهمه بقى...كان ليه بس الدوشة قبلها بكام شهر و ممنوع قيام احزاب على اساس ديني..ولا شعارات دينية..و الناس تغير شعارها..و ناس بتقاطع الانتخابات...و 800 مرشح و 690 معتقل...و نائب ينضرب..و المرشحين اللي عدوا من الفلتر يصرفوا دعاية و يفط و الذي منه...و طفل تدوسه عربية مرشح...وشاب ينضرب بالرصاص..و زحمة..و حراسة....و تجاوزات..و بلطجة قدام اللجان..و صحافة تكتب..وتلفيزيون يذيع
و بعد كل ده تلاقي انهم قرروا ينقلوا المجلس لمقر الحزب الوطني!
مش حرفيا يعني بس تقريبا كدة
"ما تصحصحوا شوية معايا"
طيب كان ليه وجع القلب اللي فات ده كله و لا دي بيروقراطية و خلاص؟
و بكدة مش هيتكلفوا غير ثمن كوبايتين الشاي اللي هيشربهم النائب المستقل و النائب بتاع حزب التجمع اللي كسبوا مع 57 من الوطني....
من باب كرم الضيافة يعني..
صلوا على النبي
"عليه الصلاة و السلام"
و اللي مجنني بقى....ان في مصر تقريبا و الله اعلم 24 حزب وواحد بيحاول..و كانهم مش موجودين...طيب بعد اللي حصل ده اللي مقاطع هيفضل طول عمروا مقاطع..واللي غير شعاره هيرجعه تاني...ماهو مفيش فايدة بقى..
يبقى هيختفوا...!
عشان كدة الواحد مش مؤمن بأي حزب عشان مفيش حياة سياسية او في طريقها للاندثار
اللي غايظني بقى...ان في تصريح النهاردة"15/6" في المصري اليوم
"ان الانتخابات كانت تعبيرا عن ارادة الشعب"...
هو حد فيكم يا شعب انت و هو راح و مقليش!؟
زعلتوا ليه؟
طيب استهدوا بالله و صلوا على النبي كدة و اقعدوا
"عليه الصلاة و السلام"..
كمان زيدوا النبي صلاة..
"عليه الصلاة و السلام"..
شفتوا..المهم كسبنا صلاة النبي..هي اللي هتنفعنا
60 comments:
اللهم صلي على النبي
صلى الله عليه وسلم
وعليه افضل الصلاة واتم التسليم
وصلى الله على محمد وعلى آله وصحبه وسلم
:: :: :: :: :: :: :: :: :: :: :: ::
ايه رأيك مش احسن من أي تعليق يحرق دمنا وخلاص
خلينا نصلى ع النبي افضل يا نقطة لحسن الواحد قرب يجنن
اللهم صلي وسلم وبارك على سيدنا محمد وعلى اله واصحابه اجمعين
الحمد لله معندناش انتخابات من دي في بورسعيد اليومين دول
ولما تيجي الانتخابات
انا رافض المقاطعة
وبروح اقول رأيي
ولو مفيش حد يستاهل
يبقا تبوظ صوتك احسن ميتحط غصب عنك للمرشح اللي هم عايزينه
مش كده والله ايه ؟
اللهم صلي على محمد وعلى ال محمد كما صليت على ابراهيم وعلى ال ابراهيم انك حميد مجيد وبارك على محمد وعلى ال محمد كما باركت على ابراهيم وعلى ال ابراهيم انك حميد مجيد
اللهم صل على محمد وعلى آل محمد
عليه أفضل الصلاة والسلام
بعدين طبعا الانتخابات كانت تعبير عن ارادة الشعب ، بس هما نسيوا يقولوا الشعب الموزمبيقى
هو انت ما تعرفيش يا نقطة مية أنهم بيموتوا فى التمثيل زى عنيهم، صراحة الناس موهوبة ولازم تأخذ فرصتها، صحيح بيمثلوا بعبط ومش عارفين يتقنوا الدور، بس اهم بيحاولوا، ولازم تقتنعى ان مصر فيها ديمقراطية وحياة سياسية وأحزاب حتى لو مالهاش لازمة اعملى نفسك مش واخذة بالك،وبعدين ده الديمقراطية ده بيشربوها للطلبة فى المدارس تصورى بيقوللهم أن مصر من البلاد الديمقراطية مكتوب كده فى الكتب ، طبعا أنت عارفة المعلومة ده مش محتاجة أقولهالك وأكدها عليك
وزيدى النبى صلاة، عليه أفضل الصلاة والسلام
صلى الله عليه وسلم
بس برضه العمل والجو اللى حصل مش مضر برضه لازم يحسو ان الامور مش ماشية بسهولة ويسر كنا فين وبقينا فين يا جماعة اذا وقفنا شوية عن المطالبة بحقوقنا حتى اذا مخدنهاش هيفردوا عضلاتهم اكتر بجد ممكن نشوف ان العملية عدت زى ما هما عايزين بس على الاقل فضحتهم اكتر قدام الناس وقدام الغرب يعنى اكيد فى استفادة حتى لو قليلة على الاقل ميشعروش بالامن
اللهم صلي علي سيدنا محمد
واللي بيصلي علي الرسول بقلبة يبقي لازم يبقي ايجابي
دي بلدنا وان الاصلاح لون يقتصر علي انتخابات
اما بخصوص المصري اليوم فللاسف اصبحت جريدة اقرب ما تكون للتحدث باسم الحكومة
اللهم صلي علي محمد وعلي ال محمد
والنبي انتي نقطة مية تروي العطشان
سيبك من الانتخابات
بس دنا فاتني كتير من بوستاتك
لازم ارجع اشوفهم
يوة طيب دنا عايز قهوة كدة
السلام عليكم
أختي الغالية وصديقة عمري نقطة مية
أشكرك للغاية على وقوفك بجانبي وسؤالك المستمر عني
لا اعلم ماذا اقول لكِ
غير
انا فخور حقاً بأخوتك لي
واشكر كل من تساءل عن غيابي
ووقف بجانبي في محنتي
تحياتي لكل شريف حر
بما انى مش عايزة اتكلم علشان لو اتكلمت هيتحرق دمىى من الموضوع ده جدا و انا دمي محروق كفاية فانا زي اللى قبلى هقول
"اللهم صلى و سلم و بارك على سيدنا محمد و على آله و صحبه و سلم""
اهو كسبت الصلاة على النبي
شكرا على البوست الجميل و بجد الواحد نفسيته تعبت من اللى بيحصل في البلد
سلام
عليه أفضل الصلوات واتم التسليم
مجلس ايه واحزاب ايه وحره ايه واراده ايه
الله يسامحك بوّظتيلي كورس فقدان الذاكره اللي كنت ابتديت فيه
يالا فداكي وبعدين نسيان ايه
صلي ع النبي
صلي الله علي محمد صلي الله عليه وسلم
لا تعليق
اللهم صلى وسلم وبارك على سيدنا محمد
وعلى اله وصحبه ...
ان الانتخابات كانت نزيهه حقا ولا يشكك فى ذلك عاقل.. ولا مجنون
وده اللى اتعودنا عليه من حكومتنا النظيفه النزيهه دائما ...
حتى ان قناة الجزيره الاخباريه نجحت فى التأكيد على شفافية ونزاهة الانتخابات عندما استطاعت تصوير حالة غش فى احد اللجان الانتخابيه حتى تصبح التجربه النتخابيه المصريه نموذجا يحتذى به فى المجتمعات المتطلعه نحو الديمقراطيه...
وحسبنا الله ونعم الوكيل
شكرا ليكى يا نقطة ميه على البوست
اللهم صلي و سلم و بارك على سيدنا محمد
لما كانوا بيعملوا تضييق على دعاية الإخوان مكنش هدفهم اسقاط المرشح
لانهم كانوا هيزوروا هيزوروا لان بعد التعديلات الدستورية مفيش اشراف قضائي و لا كلام من ده فبراحتهم يعني
انما كان خوفهم من دعاية الاخوان نفسها
خايفين انهم ينزلوا الشارع
احنا اللي مشغلين بتوع امن الدولة
و عاملينلهم حالة طوارئ و مفيش نووم
و على رأيك و الله مستفدناش غير صلاة النبي
أحسن حاجة في الموضوع
استهدي بالله كده و اقعدي اشربي الشاي
كام معلقة سكر ؟
ههههههههههههههه
علية افضل الصلاة واتم التسليم
فعلا كسبنا صلاة النبى
تعرفى حسيت باية
بانى بقرا الهم الى بيبيكى
طبعا إرادة الشعب الفتية قوي كمان ..
بس يعني من باب المحافظة على الشعب وإرادته فهم اختارولنا المرة دي لحد ما نبقى على قد المسؤولية .. يعني يرضيك تشوفي حد قلبك عليه بيروح النار برجليه وتسيبيه .. أهو هم عملوا كدة ..
وصوتك أمانة ..
بس محدش قال أي أمانة
أمانة لجنة السياسات .
ولا أمانة الحزب على بعضها
أهو أمانة والسلام ..
وعمار يا مصر يا أرض اللوا .. أو بولاق
كلها مصر .
شفتى بقى يا نقطة اهو انتى الى بلسانك اهو قولتى اننا كسبنا يعنى منبقاش ظاملين بقى احنا الى كسبنا صلاة النبى هو فية بعدها منكسب اللهم صلى عليك يا نبى
احييكى موضوع رائع
وبلاش ظلم بقى اهو احنا اكسبنا الحمد لله هننهب
اختي في الله
الديمقراطيه / الشفافيه / المهلبيه / حريه الرأي /
كلها مفاهيم مزيفه داخل هذا البلد المريض
اللهم صلي على حبيبي ومعلمي وقدوتي
الرسول الامين
صلى الله عليه وسلم
وعليه افضل الصلاة واتم التسليم
اللهم صل وسلم وبارك على سيدنا محمد وآله وصحبه أجمعين
ـــــــــــــــ
الأخت الفاضلة : نقطة مية
السلام عليكم ورحمة الله وبركاته
أختى هذه الانتخابات هى تكملة للسيناريو المرسوم للتوريث
وهم يحاولون السيطرة على جميع المجالس النيابية حتى يتم التوريث بدون منغصات
ولكن الله سبحانه هو الذى سيقول كلمته فى النهاية
فأين عدى وقصى .. وأين صدام؟؟؟؟
بارك الله فيك وأعزك
أخوك
محمد
صلى الله على محمد صلى الله عليه وسلم
الصلاة ع النبي احسن من الكلام على ولاد
متخفش مش هقول الكفرة
انما الظلمة
ينفع
!!
اللهم صلى على النبى
التمثلية بقيت بايخة قوى
ويظهر أن حسنى مبارك مع سنه الكبير ما بقاش عارف يحبكها كويس
لصلاح عبد الصبور بيت شعر يقول فيه
يا أهل بلدى أنفجروا أو موتوا
kasperb4
طبعا الصلاة على النبي احسن من اي شىء
اللهم صلي و سلم و بارك عليك يا حبيبي يا رسول الله
زحل الفلكي
يا بختك..ما بتشوفش اللي بشوفه هنا"اصل انا من قاطني مصر الجديدة"فبتحبس اغلب الوقت من التشريفات و الانتخابات و السفريات..بس حلوة تبوظ صوتك دي...منضربتش قبل كدة في لجنة!؟
انا بسأل بس...
طب محدش عرض عليك بطانية ولا موبايل!؟
اللهم صلي على محمد و على آله و صحبه اجمعين
عصفور المدينة
عليه افضل الصلاة و السلام
بحبك يا مصر
افتكر السيد رئيس الوزراء كان بيتكلم عن الشعب الموريتاني
اكيد فنانين و حسهم الفني عالي جدا و لا المرحوم احمد زكي!
يعني ايه ديموقراطية!؟
هم العيال في المدارس بيبقوا فاهمين حاجة عشان يفهموا معناها..اكيد قالولهم ان دي هدية بتطلع في كيس الشيبسي
صلى الله عليه و سلم
امام الجيل
الخوف انهم بعد ما حسوا بصعوبة الامر كدة..يطبقوه بعد كدة روتيني من غير شوشرة...ربنا يستر في انتخابات مجلس الشعب الجاية...اللي حصل ده كان بروفة للمهزلة الكبيرة
مصراوي اوي
اكيد و من ايجابيتنا بنحلم بالايجابية من الحكومة...
اللهم صلي و سلم و بارك على الحبيب المصطفى
..بس الاهرام انا شايفاها صوت الحكومة..اما المصري اليوم فا ده كان تصريح على لسان رئيس الوزراء
كراكيب عادل
الله يخليك و حمدلله على السلامة
اللهم صلي و سلم على اشرف الخلق
...
طيب انا معنديش بن...ينفع نيسكافيه
:-)
اقراهم براحتك
المدونة تحت امرك
تحياتي
الجميل صاحب البوابة
و الله كنت مفتقدة تعليقاتك جدا..
و بعدين كسفتني..انا معملتش حاجة..يا ريتني كنت اقدر اعمل حاجة...
ده واجب الاخوة بينهم و بين بعضهم..و حق الصداقة.. و كلي ثقة ان الوضع لو كان معكوس كنت انت عملت اكتر من كدة...
ربنا يديم العلاقة الطيبة بيننا و يبعد عنك اي سوء
و دمت بخير دائما اخي الغالي
الحلم العربي
يا حبيبتي و لا تحرقي دمك و لا حاجة..المفروض انك في مصر يعني حرقة الدم دي بتاخديها مع الرقم القومي...
روقي بس..و صلي على النبي...
عليه افضل الصلاة و السلام
جزر
اللهم صلي و سلم و بارك على اشرف الخلق و خاتم النبيين
ولو
عليه الصلاة و السلام
بس قولي..كورس فقدان الذاكرة ده جبته منين..ياريت توزعه علينا احسن ما نتجنن
وجع دماغ
عليه الصلاة و السلام
طيب اللي مش عارف ينفجر و لا عارف يموت يعمل ايه!؟
حائر في دنيا الله
طبعا مفيش اجمل من الصلاة على النبي..
اللهم صلي و سلم و بارك على الحبيب المصطفى...
huda gamal
طبعا..اصل احنا شعب ميستاهلش كل التضحيات دي من الحكومة...هيعملوا ايه ولا ايه بس الله يكون في عونهم و احنا بندلع كدة...
حسبي الله و نعم الوكيل
اللهم صلي وسلم عليك يا نبي
والله انا كسيبت كتير بجد
التعبير عن الشعب بالانتخابات
هو حد فينا شعب ولا حاجه لا سمح الله
اكيد لا بعد الشر
هما بتكلموا علي شعب تاني غيرنا
انتي بس فهمتيهم غلط
العيب فينا مش فيهم
يلا حصل خير ان شاء الله
بس سيبك انتي خدت كميه حسنات علي الصبح
ربنا يكرمك يا رب
تحياتي
علاء
كل حاجة واضحة للناس خلاص و على عينك يا تاجر...التزوير بقى علني...ربنا يكون في عون الاخوان المسلمين..و كل واحد شريف اتاخد حقه في التزوير ده.
بس الحمدلله..ادينا لقينا حاجة ضامنين اننا هنكسب فيها...اللهم صلي على اشرف الخلق محمد و على آله و صحبه و سلم...
الف شكر على الشاي..معلقة و نص سكر
:-)
el gazaly
معلش يا غزالي متبكيش كلنا في الهوا سوا..المهم مطلعتش من البوست خسران..اديك صليت على اشرف الخلق ..عليه افضل الصلاة و السلام
محمد العدوي
و الله معاك حق..احنا عالم مفترية..الحكومة محافظة على ارادتنا لحد ما نبلغ السن القانوني عشان نتصرف فيها!!
او عشان منخلصهاش..
و هي كلها مصر
اللهم صلي علي محمد عدد خلقك و زنة عرشك و مداد كلماتك يا رب العالمين
عليه افضل الصلاة و السلام
و هو ده فعلاً اللي كسبناه
انا عن نفسي مرحتش
ولا هروح
ولا بفكر مجرد التفكير إني اروح في انتخابات و تعديلات دستوريه و كلام خرف و عك معروف نتايجه مسبقاً
يبقي احرق دمي ليه كفايه هو محروق خلقه
تحياتي
عليه الصلاة والسلام ياستى
الجميلة ايوية
طبعا مفيش بعد كدة مكسب...
اللهم صلي و سلم و بارك على اشرف الخلق..مش هننهب ولا حاجة..اصل احنا شعب طماع!!
:-)
الفاضل محمد مفيد
متقفة معاك جدا..بس عارف..البوست ده..حلاوة روح!!
اللهم صلي و سلم و بارك عليك يا رسول الله
الفاضل محمد الجرايحي
و عليكم السلام و رحمة الله و بركاته
نعم..اين عدي و قصي..و اين صدام..
لا ينقطع الامل في رب العالمين ابدا
تحياتي
الوردة السوداء
اللهم صلي و سلم و بارك على الحبيب المصطفى
الجميلة
gohayna
محدش فينا شعب و العياذ بالله..انا مش عارفة احنا ايه بالضبط!!؟
الحمدلله كسبت حسنات و كسبتكم حسنات...ربنا يتقبل منا و منكم..
منورة المية دائما
proid
عشان نثبت للكل اننا كسبنا حاجة اهم من الانتخابات بتاعتهم دي...و على فكرة مين بيروح...اللجان فاضية..
متحرقش دمك انت و صلي على اشرف الخلق...عليه الصلاة و السلام
اللهم صل على محمد وعلى آل محمد
اللهم صلي وسلم علي
اي يا نقطة مية
قال الله تعالى: وجعلنا من الماء كل شئ حي
صدق الله العظيم
عندي اقتراح ماترشحي نفسك في الانتخابات
ساعتها مش حيكون في حرقة دم وحنكون معاك
صلى الله على محمد صلى الله عليه وسلم
عليه الصلاة والسلام
عرفتي بقي قد ايه اننا محروقين ومتغاظين وهانفرقع
ياجماعة الناس دي بتعاملنا كاننا عبط اه والله
حسبي الله ونعم الوكيل
يارب الصبر من عندك
اللهم صلي علي سيدنا محمد
وبس
سطورك تعبر عما بداخلي
تحياتي
بما أنكِ كنتي مفتقدة تعليقاتي
:)
فإسمحلي لي أن أعلق على هذا المقال القيم
--------------
طيب كان ليه وجع القلب اللي فات ده كله ؟؟؟
اقولك لكِ انا الحق
كان كل هذا لإذلال من ( بقى ) في قلبه ذرة حرية من ذاك الشعب المنكوب
كان كل هذا لقتل ما ( تبقى ) من إنتماء في قلوب من ( تبقى ) من شباب هذا الوطن
كان كل هذا لجعل من هم أمثالي ( يعودون الى رشدهم) ويتنازلون عن معركة حريتهم
أعلمتي لماذا كان كل هذا ؟؟؟
اتمنى أن يعقل الجميع
ما أصبحنا فيه
بالمناسبة إقرأي موضوعي الأخير عن سفينة الوطن
تحياتي أختي وصديقة عمري
arabian girl(caaat)
........
انتظار مؤقت
........
اللهم صلي على سيدنا محمد و على آله و صحبه و سلم
lemonada
انا ارشح نفسي....
هو مجلس الشورىمحتاج نقطة مية تغرقه!؟ ...مغرق لوحده!!
تحياتي
sendbad
ما انا محروقة و متغاظة زيكم و الله...الناس دي بتجبرنا على العبط...
يارب الطف بينا
alshared
تعبر عما في صدور الملايين
تحياتي
صاحب البوابة
آخر تعليق
فعلا ختامه مسك
:-)
..........
اتفق معاك في النقطة الاولى و اختلف في الثانية و الثالثة
......ليه بقى؟
....عشان محدش يقدر يقتل انتمائنا للبلد دي غصب عننا....
اما من هم امثالك"اللهم اكثر منهم"فهم في كامل و عيهم و رشدهم و ما يفعلونه سيزيدهم قوة و اذا كان هذا هو الجنون فأهلا به..و ياريت كل الشعب يتجنن!؟
:-)
يا سلام بوست جديد عندك هروح اكيد اقراه...اكيد عودة قوية..
المية منورة
صلى الله عليه وسلم
ده انتي مش نقطة ميه بسيطة
ده انتي كده هتغرقينا
هههههههههه
skayar
ما احنا غارقانين اهو..من غير ما انا اعمل حاجة و الله
:-)
تحياتي
بما اننا بنطبق الملوخيه بحازفيرها فلازم ده يحص
اعتقالات و اهانات و اختطاف
وبعدين احنا الغلطانين
ازاى ننافس الحزب الحاكم اللى موكلنا ومشربنا و مهنينا
اه يا شعب يا بن ...... عيب عيب خليك محترم .... على العموم بما اننا كسبنا صلاه النبى يبقى نسمع الحديث ذه
"" من صلى علىَّ صلاه صلى الله بها عليه عشرا ""
يبقى احنا برجه الكسبانين
Post a Comment