الشباب الروش...
اكيد كلنا شفنا الواد ابو جل في شعره اللي مبلط في الشارع!؟او ابو شعر منكوش...ولابس قميص او تي شيرت روز عليه ورد او مطرز و البنطلون واقع منه و آل يعني الواد مفيش زيه اتنين و يا ارض اتهدي و كله ماشي على الموضة و يا سلام بقى لما تلاقي واحد لابس كدة و عنده عضلات آل يعني كدة الواد راجل مية مية وروش جدا....ولا البنات اللي تلاقيها لابسة بدي ستومك"يعني بطنها باينة لا مؤاخذة" او البنطلونات ال"لو ويست".."يعني توصل لحد تحت الوسط..لا مؤاخذة برضه"الضيقة و بتبقى ماشية مش قادرة تتنفس...او مثلا تلاقيها لابسة ضيق جدا زي بنطلون الليكرا او الاسترتش الضيق"بتاع كارينا" و فوقيه فستان قصير و محجبة!!؟؟؟او الاقي واحدة لافة راسها لفة هدايا بايشاربات كتير و حاجات بتلمع وتقريبا ناقص تعلق نور او ترش "جليتر" و آل هي كدة محجبة!؟..طبعا متخلونيش اتكلم عن الشبشب ابو صباع"الزنوبة"اللي تلاقي الولد او البنت لابسينه و ماشيين يطرقعوا بيه و يجرجروه على الارض كأنهم داخلين الحمام مش نازلين الشارع و لا الشرابات اللي بصوابع انا بخاف من رجلين الناس اللي لابساه بحس كأن عندهم رجلين فراخ او عندهم اربع ايدين.."الظاهر اني تقلت من افلام الرعب فبيتجيلي الهلاوس دي"....!؟
الصوت العالي...
البلطجة....
ودول ناس واخدينها عافية و بالدراع...زي سايس الجراج...تبقى ماشي جنب مول و عايز تركن وتلاقي ده طلعلك مش عارف منين زي مارد المصباح و يشاورلك على الركنة "مع انك شايفها"و يديك ارشادات و توجيهات عن كيفية الركنة "مع انك مادام وصلت المول بعربيتك يبقى اكيدبتعرف تسوق"..تقدر متديلوش حاجة!!؟لأ طبعا عشان هترجع تلاقي عربيتك مكسورلها فانوس او مراية او مخبوطة او مخدوشة بطول العربية.......نوع تاني ...تلاقي طالب الثانوية خارج من مدرسته يوم النتيجة و مبسوط بنجاحه و تلاقي اللي يتلم عليه عشان عايزين"الحلاوة"هم ذاكروا مكانه و نجحوه ولا ايه!؟.....مثال تاني..ناس بتشتري شقة في مكان و بعد ما يتفقوا مع اصحاب الشقة تلاقي البواب ملاحقهم و بيطاردهم عشان"الحلاوة"و لو مخدهاش مش هيساعدهم في نقل حاجتهم او يكسرها لهم لو نقلها..
نكمل في الجزء الخامس و الاخير ان شاء الله
ملاحظة:المفروض ده كان الجزء الاخير بس عشان البوست ميبقاش طويل اوي عملت جزء خامس
اكيد كلنا شفنا الواد ابو جل في شعره اللي مبلط في الشارع!؟او ابو شعر منكوش...ولابس قميص او تي شيرت روز عليه ورد او مطرز و البنطلون واقع منه و آل يعني الواد مفيش زيه اتنين و يا ارض اتهدي و كله ماشي على الموضة و يا سلام بقى لما تلاقي واحد لابس كدة و عنده عضلات آل يعني كدة الواد راجل مية مية وروش جدا....ولا البنات اللي تلاقيها لابسة بدي ستومك"يعني بطنها باينة لا مؤاخذة" او البنطلونات ال"لو ويست".."يعني توصل لحد تحت الوسط..لا مؤاخذة برضه"الضيقة و بتبقى ماشية مش قادرة تتنفس...او مثلا تلاقيها لابسة ضيق جدا زي بنطلون الليكرا او الاسترتش الضيق"بتاع كارينا" و فوقيه فستان قصير و محجبة!!؟؟؟او الاقي واحدة لافة راسها لفة هدايا بايشاربات كتير و حاجات بتلمع وتقريبا ناقص تعلق نور او ترش "جليتر" و آل هي كدة محجبة!؟..طبعا متخلونيش اتكلم عن الشبشب ابو صباع"الزنوبة"اللي تلاقي الولد او البنت لابسينه و ماشيين يطرقعوا بيه و يجرجروه على الارض كأنهم داخلين الحمام مش نازلين الشارع و لا الشرابات اللي بصوابع انا بخاف من رجلين الناس اللي لابساه بحس كأن عندهم رجلين فراخ او عندهم اربع ايدين.."الظاهر اني تقلت من افلام الرعب فبيتجيلي الهلاوس دي"....!؟
الصوت العالي...
مش عارفة ليه احنا المصريين بنحب الصوت العالي...اكيد فيه حاجة حصلت في ودان الشعب...تلاقي واحد سايق عربيته و معلي الاغاني على الآخر..او واحد تاني بيحب يدوس الكلاكس كتير بسبب او من غير و يا سلام بقى لو بينده واحد صاحبه..تلاقي الشارع كله بيرد عليه و بيترجاه يبطل يدوس على الكلاكس ده اذا مكانش بيزعق"يامحمااااااد"...حاجة تانية...تلاقي شلة بنات قاعدين و عادي بس صوتهم عالي ملفت جدا في كلامهم و ضحكهم...عندنا جارة كل ما تنده بنتها اللي في الغرفة اللي جنبها اسمعها"يا نوووووريييييييييين"..مش عارفة ليه كل ما اسمعها احس انها هتقول بعد كدة"التمساحة يالاه"زي سناء جميل في الراية البيضاء!؟..مثال آخر...ناس قاعدين بيتناقشوا تلاقي واحد صوته علي عشان يثبت رأيه او يفرضه"كأنه في برنامج الاتجاه المعاكس"...ده غير البياعين المتجولين واللي مكتفوش بصوتهم بل بقوا بيجيبوا عربيات و ميكرفونات و ينادوا على بضاعتهم..امعانا في تعذيبك!!؟
البلطجة....
ودول ناس واخدينها عافية و بالدراع...زي سايس الجراج...تبقى ماشي جنب مول و عايز تركن وتلاقي ده طلعلك مش عارف منين زي مارد المصباح و يشاورلك على الركنة "مع انك شايفها"و يديك ارشادات و توجيهات عن كيفية الركنة "مع انك مادام وصلت المول بعربيتك يبقى اكيدبتعرف تسوق"..تقدر متديلوش حاجة!!؟لأ طبعا عشان هترجع تلاقي عربيتك مكسورلها فانوس او مراية او مخبوطة او مخدوشة بطول العربية.......نوع تاني ...تلاقي طالب الثانوية خارج من مدرسته يوم النتيجة و مبسوط بنجاحه و تلاقي اللي يتلم عليه عشان عايزين"الحلاوة"هم ذاكروا مكانه و نجحوه ولا ايه!؟.....مثال تاني..ناس بتشتري شقة في مكان و بعد ما يتفقوا مع اصحاب الشقة تلاقي البواب ملاحقهم و بيطاردهم عشان"الحلاوة"و لو مخدهاش مش هيساعدهم في نقل حاجتهم او يكسرها لهم لو نقلها..
نكمل في الجزء الخامس و الاخير ان شاء الله
ملاحظة:المفروض ده كان الجزء الاخير بس عشان البوست ميبقاش طويل اوي عملت جزء خامس
46 comments:
نقطة مية
المصريييييييييين
مش بس الصريييييين الي عندهم الي انت بتقولي
بس يمكن في مصر اكثر من دول ثانية
البلطجة في كل مكان
والصوت العالي سبب يمكن انو مش بنعرف نتحاور مع بعضنا
ومش بنسمع بعضنا ومفيش حرية التعبير علن الرأي
والي عايز يثبت رأيو يعلي الصوت
والي يعلي اكثر يكون هو الصح
طريقةغريبة في الوطن العربي لاثبات الرأي
مع انو كثير من الاوقات مش بيكون صاحب الصوت العالي صح في رأيو
الشباب الروش
مش حقوليك قد اي بكره الموضوع دة
مش شايفة روشانة خالص في موضوع الضيق والشعر الي واقف والهبل الي بيحصل في الايام دي
تحياتي
منتظرك زيرتك في قوس قزح و ليمونادة
ههههههههههههههههههههههههههههههههه
هههههههههههههههههههههههههه
هههههههههههههههههه
هههههههههههههه
ههههههههه
هههه
هه
ه
تصدقي انا كنت بحسب ان كل الكلام اتقال خلاص عن المصريين وكنت هاسيب البوست من غير ما اقراه بس صراحه حبيت اخد فكره وطبعا قرأت الأجزاء كلها لما كنت قربت اموت من الضحك وهزيت راسي 90 مره وانا بقول ايوه صح انا شوفته ايوه صح ده حصل معايا واضح انك شفتي كتير وركزتي كتير في بلدنا بس هي دي مصر يا عباس
على رأي واحد صاحبي
اسلوبك فظيع ويجنن تحياتي ليكي واتمنى اجي هنا كل مره الاقي بوست سكر جديد وابقي تعالي عندي نورينا يا باشا ولو سمحتي بالمره يا اما تجيبي ربع جنيه يا الأحسن بق عصير الله يخليلك البيه وتجوزها يا باشا بكره لما تخرجي مع خطيبك هاتسمعي الحاجات دي كتير
سلااااااااااااااااااااااام
الاول احب اهنيكي "كتيــــــــر" علي المصري اليوم اذ اني ما عرفتش اهنيكي وقتها
تاني حاجة و سامحيني .. باستغرب اوي من اننا الشعب الوحيد اللي بيستمتع جدا بجلد نفسه.. علي الملأ
كل الشعوب فيها كل النماذج الغريبة و السيئة و ..و...و ..0 و لكن احنا بس اللي بنستمتع باننا نعمل برامج عن مشاكلنا و مساوئنا و كأننا اسوأ اهل الارض
عامة مرحبا بنقد و جلد و صفع الذات اذا كان ده حيؤدي اننا نغير من نفسنا للأحسن
و بصفتي واحدة من المصريين و واحدة من قرائك الدائمين باطلب منك -اذا كان ممكن- تخصيص مجموعة موضوعات عن "محاسن" و صفات المصريين الجميلة ... و اظن انها كتييير
شكرا و تحياتي لك
السلام عليكم
الشباب الروش
دي ممكن نقول ناتجة عن قلة وعي الشباب و تأثرهم بثقافة المنتصر ...و ظنهم انهم ان قلدوا الغرب اصبحوا منهم و اصحبوا بنفس تقدمهم و لكن شتان ما بين التقليد المظهري و التقليد الجوهري
حتي نكون مثلهم في عملنا فعلا
اما عن لفة الهدايا اللي بشوفها كتير , ففيه شئ مهم جدا الفرق بينهما شعرة الا و هو التكلف و البهرجة و الشياكة , الشياكة ممكن تيجي بالوان بسيطة و تناسف في اللبس و اللبس المناسب لجسدي ... كن التكلف و البهرجة هو المبالغة في الاهتمام في المظهر كي نلفت الانظار الينا فقط !!!
المشكلة اساسا انه البنات اللي انت بتقولي عليهم بتوع الاستوكاك و اللو وست دول ممكن يكونوا تخان اساسا و اللبس لا يليق عليهم علي الاطلاق !!! دي اللي فعلا بتبقي قرف و كارثة متحركة بجد ...و دا ناتج بردوا عن انعدام حس الجمال عندهم في اي شئ
هو خواء فكري ناتج عنه المسؤولين عن الثقافة في بلادنا
( و لن اتطرق للدين حتي لا ينزعج البعض )
بالنسبة لموضوع الصوت العالي
هو تقريبا مشكلة اذن وسطي و داخلية ...لان اغلب الناس دلوقتي بتنح مع اللي ادامها فالواحد منهم بيضطر انه يعلي صوتة لعله يؤثر في هذا المخلوق منعدم الاحساس الذي امامة , بس فيه ناس تانية و دي للامانة اساسا اتربوا علي كدا يعني الموضوع اساسا منعدم عندهم ان دا سلوك مشين و مش واخدين بالهم من انه كدا خطأ و لا يعتبروا ان صوتهم اساسا عالي
اما بقي لقيمة البلطجة
بيمكن يكون تعليقي مختلف تماما عما سبق
دائما كنت اقول ان في كل الشلكيات السابقة ان الخطأ واقع علي الفرد نفسة ... لكن الان اول ان الخطأ واقع علي غياب الامن ببساطة شديدة !!!!
لانه لو كان فيه مسؤول امن متواجد في ساحات انتظار السيارات لما تجرأ هذا المخلوق علي ان يفرض اتاواتة علي الناس ... و لكن المشكلة من الاساس هي غياب الامن
و لا اريد ان يطلع احد و يقول لي كل انسان يراقب نفسة ... هناك في الطبيعة البشرية فئة منحرفة و ظالة و هؤلاء غير مؤتمنبين علي ان يراقبوا انفسهم و من هنا نشأ واجب حفز الامن الذي غائب في نواحي كثيرة في بلدنا المصون
بانتظار الجزء الخامس :)
مرة واحد صاحبي كام معاه نوجا في جيبه
كل ما واحد ييجي بتاكلوا إيه نوجا ؟ يطلع له واحدة ويقول له آخر واحدة
والآخر ضربناه وطلعنا كل اللي في جيبه
انتي شلفطتي الدنيا يا بتني ربنا يستر عليكي
ايه دا يا بنت الحلال
بس تصدقي واقعيه وفعلا فيه ناس كدا كتير اوي
وبعدين انا كداكل ما ادخل يكون فيه جزء تاني
ماشاء الله
انا مستنياكي يا قمر
تحياتي
من خكسين سنه فاتت مكانش فيه حاجات زي دي كان فيه سلبيات كتيره في الانسان المصري بس مكانتش بالشكل المفجع والمحزن ده
نسير دائما من سئ الي اسوء
واذا كان رب لبيت بالدف ضارب .......
بالتّمـادي
يُصـبِحُ اللّصُّ بأوربّـا
مُديراً للنـوادي .
وبأمريكـا
زعيمـاً للعصاباتِ وأوكارِ الفسـادِ .
وبإوطانـي التي
مِـنْ شرعها قَطْـعُ الأيادي
يُصبِـحُ اللّصُّ
.. رئيساً للبـلادِ !
عمي أحمد مطر
تحياتي التي تعتصر ألما وحزنا علي ما وصلنا اليه من حال ومع كل هذا الالم أجد في القدره علي الضحك وكأننا نستمتع بالتعذاب
احييكي علي اسلوبك الرائع والجميل
تحياتي
مفيش كلام بعد اللي قلتيه غير ان كل التقاليد الجميلة اللي كانت جوانا انتهت وظهر جيل جديد معندوش اي احساس او اخلاق ولا يحبطك المفروض ان الشاب الروش ده ممكن يبقي في يوم الايام مسؤل او البنت ام ستومك تبقي ام لا حول ولا قوة الا بالله
ما زلت متابع تحياتي
sendbad
بصراحة ولا انا كمان متخيلة ان الواد ابو بدي روز مطرز و بنطلون واقع ممكن يبقى اب في يوم عشان مفيش واحدة تحترم نفسها ترضى بيه..ولا حتى البنت ام ستومك ممكن تبقى ام عشان مفيش راجل بجد دمه يسمح ان مراته تمشي كدة..و لو الاتنين دول اتجوزوا بعض حتبقى مصيبة بس هم فاهمين بعض فمش هيقدموا على كدة..التقاليد الجميلة موجودة و الاهالي اللي بتربي على الدين موجودة عشان كدة في شباب زيهم مش عاجبهم حال الروشين دول...نورت المية
lemonada
اول تشريف لمدونتي المتواضعة منورة طبعا...
بصي كل الدول و المجتمعات بتفرز انماط معينة من البشر فالصفات دي موجودة في الدنيا كلها بنسب مختلفة...
معاكي ان الصوت العالي بقى طريقة تحاور و اضيف عليكي ممكن تكون وسيلة الواحد يداري بيها ضعف رأيه...اما الشباب الروش فهم فاهمين الروشنة غلط بيبقوا عاملين زي مهرجين السيرك مليانين الوان..
المية فرحانة بزيارتك و ياريت دائما
تحياتي
الشنكوتي الكبير
كل ده ضحك..الله يبسطك..
بس الشعب المصري مليان حاجات كتييييييييييير اوي و عمر ما حكاياته بتخلص...سعيدة ان البوست عجبك و كمان شدك عشان تقرا الاجزاء اللي فاتت..و هاجي ازورك طبعا و هركب بالربع جنيه فا مش هديهولك ...ياريت متكونش آخر زيارة
نورت المية
fad-fadat nour
الله يخليكي و عقبالك و التهنئة وصلت..
احنا شعب تركيبته تثير شهية اي عالم نفس و مليانين تناقضات..انا بشوف اننا بنعمل كدة عشان منكونش زي النعامة و ندفن راسنا في التراب و كمان ده ذكاء منا..و على فكرة اديكي من غير ما تحسي طلعتي فيهم صفة...
طبعا طلباتك اوامر و جاري دراسة الصفات الجميلة
مشرفاني بالزيارة دائما..
تحياتي
alshared
فشيمة اهل البيت كلهم الرقص...
من خمسين سنة فاتت مكنتش الصفات دي ظاهرة عشان الناس كانت مستريحة نفسيا و بتحب بعض و بتهتم بالبلد...
و ابيات احمد مطر لا يعلى عليها..و احنا مصريين مهما كان فينا من مصايب بنعرف نضحك
منورني دائما يا شاعر
تحياتي
الجميلة شمس الدين
الشباب الروش..احيانا لما اشوف واحد منهم اول حاجة بتيجي على بالي انه لو مات هيقابل ربنا كدة...و بعدين متفقة معاكي جدا انهم بيقلدوا الغرب تقليد اعمى بس للاسف مختارين الفئة اللي مش ممكن تقدم شىء مفيد..و كمان الشباب دول بيشعروا اكيد بعدم الاهتمام لانهم بيحاولوا يثبتوا وجودهم او يلفتوا النظر لوجودهم باللبس الغريب و الالوان الغير متناسقة او الصارخة...
اما الناس اللي اتربوا على الصوت العالي هما في كارثة لانهم مش هيقبلوا يغيروا من نفسهم بسهولة لعدم احساسهم باللي بيعملوه..
طبعا غياب الامن هو من احد دوافع ظهور البلطجية مع ملاحظة ان احيانا الامن بياخد نفس الدور و ده بينتج افراد بيطلعوا ده على البشر التانيين كتفريغ شحنة....
منورة المية دائما
عصفور المدينة
بلطجتوا على الراجل عشان نوجة...!!؟.مرة كنت في درس بعد الجامعةو زمايلي مسكو واحد كان كل شوية يطلع حاجات و ياكلها من جيبه و لما نسأله معاك زيها برضه يقول ان دي آخر واحدة و احنا جعانين المهم نفضوه و اللي وقع منه قسمناه على بعض...بس والله مكنش بيكدب كان جايب من كل حاجة نوع واحد فلازم تبقى آخر واحدة!!!
منور المية دائما
gohayna
و الله انا نعملتش حاجة...انا لقيت الدنيا متشلفطة لوحدها فشاورتلكم عليها
:-)
انتي قلبك دليلك لازم تلاقي بوست جديد
و الله المية فرحانة بزيارتك جدا
السلام عليكم لحضرتك تاااااااج عندى ارجو التكرم باستلامه وشكرا
امام الجيل
و عليكم السلام و رحمة الله
الف شكر على التاج و هجاوبه و هنشره بعد الجزء الخامس على طووووووووول
تحياتي
مصر يا رأفت ..
كفاية قوي قيمة وسيمة لمصر أن استحقت أن يفرد لأهلما كلام في صفاتهم حتى وإن كانت السيئة .. لأن كل ما الصفات المنيلة دي كان لها عمق كان قصادها في صفات تانية حسنة لها عمق أيضا .
ومصر هي مامتي .
خضرا لون بجامتي
كل الود .
انا موافقك على موضوع الشباب الروش وكل واحد بيعمل حاجه غريبه دلوقتى بيبقى روش والناس بتعجب بيه والفكره بقى ان الناس بتحسسه انه كده محصلش
بس انت كده احرجتينى عشان انا لسه جايب تيشيرت جديد روش هههههههههههههههههههههههههههه
هو مفهوش ترتر ولا مطرز ولا صور غريبه ولا الحاجات دى بس المرض من برا
انا كده هولع فى التى شرت الجديد الله يسامحك
ههههههههههههه
اوعى تسافرى من غير ما اعرف
جيت متأخر كالعاده بس ملحوقة
اولا عايز اسأخلك اخبار يوسف معاطي ايه ؟؟
:)
نخش في الموضوع
بالنسبة لموضوع الشباب الروش ده ففيه حجات اوفر وفيه حاجات مفيهاش مشكله
اقولك زي ايه
انا مثلا جت عليا وقت كنت بلبس بادي وبنطلون ساقط كبير اوي من اللي هو يلبسني واللي حوليا
بس عملت كده علشان تغيير كامل في استايلي يعني نوع من التجديد
ثانياً كنت حريص اني ميبانش حاجه من اللي تحت الهدوم
مش زي دلوقتي بيبقا نص ظهر الواد باين
وبرضه جيل ومش عارف ايه
استفادت كتير من الشكل ده في كذا حاجه مش مجال اني اذكرها هنا
بس الخلاصة اني عايز اقول ان فيه من اللي بيعمل كده بيكون لغرض ما او لتفكير يعني مش علشان الموضة كده وخلاص
وعامة لازم الواحد يلبس المناسب
مش زي البادي بتاع الولاد ابو ترتر ده
فيه واد يلبس بادي بترتر
واللا البنات المحجبات اللي لابسين بنطلون ومشمرينه
بجد شكلهم مستفز وخصوصاً برضه الشبشب ابو صباع ده مع بقا الخلخال ونرجع لعصور سي السيد وبين القصرين وقصر الشوق
وامينه
---------------
الصوت العالي
يمكن بتشتكي منه في القاهره لأنها العاصمة وزحمة
لكن في بورسعيد او المدن الساحليه عامة السمه بتاعت الناس هي الصوت العالي
يعني في اصحابي لو عملت احصائية الاقي بتاع 20 في الميه هم اللي صوتهم واطي
وانما برضه انا مؤيد لموضوع اننا نخف شوية من الكاست
ونداء الى محل الدي جي اللي تحت البيت ارحمني ابوس ايدك وبلاش العنب والبلح
ده من يومين مشغل اغنية بتقول
ايظن ..اني حشرب بيره
وياسلام علي شرب البيره
ولا تعليق على الاغنية
------------------------
النوع الثالث وهو البلطجي وده مينفعش انتي تلاقي حل معاه لأنه انتشر بشكل كبير اوي
والمفروض الحكومة تعمل حاجه في سنتها ويلفوا ياخدوا العيال دي يلموهم بدل لما بيلموا الناس البريئة تقفيل محاضر
واللا ايه
بوست جامد
ودعواتك في الامتحانات
محمد العدوي
يا سلام على الكلام الموزون..انا من رأيك
..و بجامتك خضرا!!!بتنام بيها ازاي دي!!
نورت المية
العزيز حزين
مش عارفة انت حزين ليه ما انت بتضحك اهو
:-)
مادام التي شيرت الجديد مفيهوش تطريز و لا ترتر و لا صور غريبة..يبقى...روووووووووووز!!!؟
مفيش مشكلة في كدة في درجة هادية بتليق على الولاد المهم مش بمبه مسخسخ ولا فوشية لان في الحالة دي ولع فيه بجد
اكيد هقولك قبل ما اسافر متقلقش
نورت المية الروز بتاعتي
:-)
الحاج زحل باشا الفلكي
و الله انت جدع حاجات يوسف معاطي اللي عندك دي جت في وقتها..ده انا مت من الضحك..الراجل ده سكرة
اما الشباب الروش فا اكيد بتكلم عن الحاجات الاوفر عشان بتبقى ملفتة و غريبة جدا...و انت قلتها "في واد يلبس بدي بترتر"!!؟
فيه ناس بتغير الاستايل كدة كتجديد و كسر الروتين انا معاك...
اما الصوت العالي فاولا بلغ عن صاحب المحل اللي تحتيكم ده انت بتنام ازاي ولا حتى بتذاكر كدة تذوقك للفن هيضيع
:-)
اما البلطجة المفروض الحكومة تتحرك و تريحنا منهم....
منور كعادتك و ربنا يوفقك في الامتحانات
البوست كله حلو كالعادة ..
لكن موضوع الشاب الروش ده اكتر حاجة بتخنقني سواء كان بنت ولا ولد ..
بعتقد انهم لا يفكرون فيما يفعلون بل يقلدون بدون ان يعقلون.. زى الاراجوزات ... و ده ان دل على شىء فانما يدل على مدى خواء عقول هؤلاء الشباب ..
ربنا يصلح الحال ..
كنت رسمت رسمة من خنقتى من النوع ده ..
اللينك اهوه .
http://img524.imageshack.us/img524/20/shankoootyiy7.jpg
تحياتي يا نقطة ميه ..
و مستنين الجزء الاخير .. :-)
تلفيزيون ملون
والله فنان و رسمك حلو و ينطبق تماما على اللي انا قصدي عليه جدا...و الله انا بيسعدني ان في ناس عندها الوعي ده و متفقة معايا في فكري..ياريت تنزل الصورة و آخد لنك الاخوة المدونين يشوفوها
نورت طبعا
حلقة كمان يوسف معاطي اهي
مع نفسك
http://www.4shared.com/file/17359578/2cdad22f/__online.html
للأسف دي اخر حلقة عندي
يا سلام عليك يا زحل ربنا يخليك و الف شكر
مش ممكن انا اول ماسمعت انو الجزء الرابع نزل
سبت المذاكرة من ايدي وجيت جري
هههههههه و كانت اولهم الشباب الروش
لسة من شوية اخويا نزل للجامعة و عامل شعرو سبايكي قلتلو بس يارب تلقط حاجة في الامتحان
انا شايف انو بعض الناس بيعتبروها حرية
انا مع نقطة المية انو لازم ننتقدهم بس باسلوب لطيف و نغير من سلوكهم
انا من الناس الي ولا ممكن يستغنى عن الجل بس بتسريحة عادية هادية
ههههههه ياسلام عليكي
الصوت العالي...
دي بقى جت على الوجع
انا لما اسافر برة بيسألوني تحب تعمل ايه بقلهم استمتع بالهدوء و الهوا النضيف اصلي محروم منهم هنا
اه وصلنا للالبلطجة....
مش عارف انا مش ملاحظ انها كتيرة عند المصريين
وكالعادة ربنا مايحرمناش من نقط المية
مستنيين الخامس مهما كانت الظروف
و كمان نفسنا نسمع بوستات معاكسة
ماحدش يقراها غلط انا قصدي بوستات عكس الي فات عن كل حلو هنا بمصر
هههه يالله سلاااام
أنت وحشانى جدا أنت ومدونتك وبوستاتك الجامدة ده ، قرأت كل اللى فاتنى تقريبا بس مش لاحقة ألعق فقلت أسلم عليك وشكرا أوى على سؤالك يا قمر ، ادعيلى أنت بس وهى هانت خلاص، وابقى نزلى الجزء الخامس علشان لما أخلص أدخل أقراه
dr-killer
ربنا يوفقك انت و اخوك في الامتحانات..
و على فكرة مش عيب انك تلبس على الموضة بس اختار اللي يناسبك في حاجات زيادة و ملفتة و انت قلتها بتستخدم الجل بس بتسريحة هادية الاعتدال في كل شىء مطلوب..اما الصوت العالي فا"لنا الله"
البلطجة موجودة و الله...
و اكيد موضوع الصفات الحلوة للمصريين قيد البحث..
منور المية كلها يا دكتور
العزيزة بحبك يا مصر
الله يسلمك و انتي كمان وحشتيني...ربنا يوفقك في الامتحانات و شدي حيلك و هنزل الجزء الخامس و الله...نورتي جدا يا جميل و ربنا معاكي
تدوينة جميلة جدا و السلسلة بتاعتك دي المفروض تتنشر على نطاق أوسع
الشباب الروش ...أنا كمان لما بشوفهم بقول معقوله هما دول أو أولادهم هما اللى هيحرروا القدس
البلطجة....احنا الشعب صاحب المركز الأول فيها
و بتوع حلاوة النجاح دول بجد بينرفزونى جدا
الصوت العالى
ده سمة في كل أبناء الجيل خصوصا السيدات ...الميزان اتقلب....احنا تحتنا في محل أصحابه مش بيحسوا انهم مشغلين التسجيل غير لما يجيبوا آخر زرار الصوت و مفيش أي أسلوب نافع معاهم و لا ذوق و لا غيره...احنا قلنا دول أكيد عندهم مشاكل في ودانهم
ربنا يستر عليكي يا مصر و الله زمان كل الحاجات دي ماكنتش موجودة على حسب حكاوي بابا و ماما ...أمال الشعب جراله ايه ؟؟؟ مش عارفة
شكرا على السلسلة الجميلة و بردو مستنيني السلسلة الايجابية
تحياتي
نقطة مية
ادعوك للمشاركة في استفتاء
اكثر 10 مدونات تاثيرا في قرائها
عل مدونتك واحدة منهم
اليك الرابط
http://6ef.blogspot.com/
يااااااااااه يا نقطة مية ، ده جردل مية سااااااقع ،،، قلبتي علينا المواجع كللللها دفعة وااااحدة /،،،،،،،
مش عارف أقول لك إيه ، ولا إيه ؟؟؟
حقيقي كثييييييير قوووووووي
بس عمومًا تحياتي ليكي ،،،،
أول خطوة للتغيير وضع يدنا على مكمن المشكـلة ،،،،، و إنتي حطيتي إيديكي على حاجات كثييييييير
طبعا كان لازم اقرا كل البوستات بتاعت المصريين اللى انتى تناولتى فيها السلبيات بشكل كبير جدا
طريقتك سهله بشوية فذلكه وشوية اقتباس من المواقف اديتى الموضوع مساحه كبيره
بس ياجميله فى نقطه انامختلفه معاكى فيها
تفتكرى تغير السلوك او شوية الشباب لو بطلوا الروشنه او الفلسفه او الادعاءات الغريبه بتاعتهم دى مصر هتتغير
كل الدول فيها السلبيات دى بس انتى لحظتيها فى مصر بشكل اكبر لان المصريين بيحبوا المظاهر شويه فى كل حاجه وده يمكن اللى بيمزهم عن باقى الناس اللى عندهم كل السابيات اللى عندنا واكتر كمان
المهم انا اتمنى ان فى بوستاتك الجديده تتناولى بنفس الطريقه المشاكل الاجتماعيه اللى بيمر بيها الشباب وازاى نعالجها ولو قدرتى تجمعى اراء كتير حوالين الموضوع ده اكيد هتحققى حاجه كبيره اوى
وربنا يوفقك
ربنا يهدى
بجد موضوع الروشين دا جميل جدا
فعلا يخنقو يا نقطة
الأخت الفاضلة الكريمة
السلام عليكم ورحمة الله وبركاته
أحييك على طرحك القيم
أختى: هذه الصور السيئة والسلبية التى عرضتها فى مقالك.. صور محزنة بالفعل
لم يكن المصرى فى يوم من الأيام بهذا السوء.. ولم يكن الشباب المصرى فى هذه الحالة المزرية
أكيد فى حاجة غلط
أو حاجات كثيرة غلط
تقديرى واحترامى
أخوك
محمد
الاخت العزيزة الحلم العربي
اولا الف شكر على الاستمارة و هدقق في لبند اللي نوهتي عنه...
اشكر اعجابك بالاجزاء...
بس عجبني تعليقك على الشباب الروش..فعلا هم دول ولا ولادهم هيحرروا القدس!؟يا حول الله...
الصوت العالي فعلا عند السيدات اكتر و بيثير استهجان الناس الطبيعية...ياريت تبلغوا عن صاحب المحل اللي تحتكم...
مصر زمان كانت بلد الذوق و الجيرة و اللمة الحلوة يا ريتني عشت في الزمن اللي فات...
اكيد منورة المية
تحياتي
الاخت منة الله
اولا شرفتيني
ثانيا من عينية هشاركك في الاستفتاء
شكرا للمعلومة
ابراهيم معايا
ايه الغيبة دي يا راجل..شكلك شايل في قلبك كتيييير من النماذج دي..
ياريت يكون البوست الهام لاي حد يرغب فعلا في التغيير
شرفت المية
الرقيقة بياترتس
متفقة معاكي ان جميع الدول فيها الصفات دي و فعلا لاحظت ان المصريين بيحبوا المنظرةو المظاهر عندهم اولوية و ده اللي مصعب عملية اختفاء معظم النماذج دي و ممكن ادى الى ظهورها..و يا عزيزتي مصر محتاجة حاجات كتيييييير اوي عشان تتغير..خلينا نحاول نبدأ بالاخلاق و السلوك يمكن يوصلنا لحاجة تانية...
اشكرك جدا على الملاحظة القيمة و صدقيني اخذت بالاعتبار...
نورتي المية
و تحياتي
مصراوي اوي
سعيدة ان الموضوع عجبك..والروشين انا معاك فعلا يخنقوا مش عارفة بيمشوا ازاي كدة في الشارع!؟
منور كعادتك
تحياتي
arabian girl
اولا نورت باول تشريف ليكي في المدونة المتواضعة....
و بضم صوتي لصوتك ..ربنا يهدي..
على فكرة صورة البنوتة دي رائعة
شرفتيني بالزيارة و اتمنى دائما
تحياتي
الاخ الكريم محمد الجرايحي
و عليكم السلام و رحمة الله و بركاته
اشكر اشادتك كثيرا باسلوب الطرح لانها قادمة منك استاذي الفاضل
..............
و اتفق معك ان المصري عمره ما كان سىء و لا شباب مصر كانوا بهذه السطحية...
و الاخطاء لازم نحاول نكتشفها بأنفسنا
تحياتي أخي
Post a Comment