بسم الله الرحمن الرحيم
نتقدم بخالص الشكر و العرفان الى مجلس الشعب الموقر باغلاق ملف ما يسمى بكارثة العبارة"السلام 98"......بعد ان ارقنا طويلا..
و التسليم بالقضاء و القدر وان النفع و الضر هو رزق من العليم بمخلوقاته...
و يعلم الله انها حكومة تعمل على راحة من على ارضها وفي بحرها فهي بذلك تعمل على تخفيض الكثافة السكانية والحفاظ على الكائنات البحرية....فمصائب قوم عند قوم فوائد
ونتوجه بجزيل الشكر للسيد ممدوح اسماعيل على مجهوده
كما نتوجه بالامتنان لكل من ساهم في افشال مشروع الجسر الذي يربط بين السعودية و مصرنا الحبيبة لما فيه من اضرار بالحياة البحرية لعدم غرق العبارات المحملة بما لذ و طاب
نشكرك حكومتنا في توفير مصدر الرزق فانت حكومة تعمل الخير و ترميه في البحر
ملحوظة:في الخدمة اذا اردتم المساعدة في اهالي قلعة الكبش او من طالب باقالة الحكومة في المجلس
و تفضلوا بقبول فائق الاحترام
و التسليم بالقضاء و القدر وان النفع و الضر هو رزق من العليم بمخلوقاته...
و يعلم الله انها حكومة تعمل على راحة من على ارضها وفي بحرها فهي بذلك تعمل على تخفيض الكثافة السكانية والحفاظ على الكائنات البحرية....فمصائب قوم عند قوم فوائد
ونتوجه بجزيل الشكر للسيد ممدوح اسماعيل على مجهوده
كما نتوجه بالامتنان لكل من ساهم في افشال مشروع الجسر الذي يربط بين السعودية و مصرنا الحبيبة لما فيه من اضرار بالحياة البحرية لعدم غرق العبارات المحملة بما لذ و طاب
نشكرك حكومتنا في توفير مصدر الرزق فانت حكومة تعمل الخير و ترميه في البحر
ملحوظة:في الخدمة اذا اردتم المساعدة في اهالي قلعة الكبش او من طالب باقالة الحكومة في المجلس
و تفضلوا بقبول فائق الاحترام
التوقيع:
سمكة قرش
العنوان:
البحر الأحمرامام حديقة خيار البحر بجوار مسجد المرجان
سمكة قرش
العنوان:
البحر الأحمرامام حديقة خيار البحر بجوار مسجد المرجان
37 comments:
هو خلاص كلام نهائي مفيش كوبري
:(
------------
يلا خلي شركات الملاحة تكسب كويس
أنا فيه حاجات كثير عايز اسجل شكري وعرفاني عنها
وبعيدن يا أستاذ شادي أنا لازلت معتقد إنهم حيعملوا نص كوبري بدليل إن السعودية كانوا جادين في افتتاحه
فكرة نص كوبري دي فكرة عبقرية بدل العبارات
الناس تمشي
ودرررررررب في المية بس مية كثير
مش نقطة مية
:)
اهم حاجة ان سمك القرش مبسوط .. حانعوز ايه اكتر من كده ؟
كده روضا و الحمد لله
يجعله عامر
انت ما تعرفيش ان حكومتنا حكومة مومنة والمومن هو اللى بيؤمن بالقضاء والقدر خيره وشره
بعدين هما ما قدروش ياكلوا البنى ادمين فقالوا ناكل السمك واهو برده يبقى اسمنا عملنا حاجة
انت ما تعرفيش ان حكومتنا حكومة مومنة والمومن هو اللى بيؤمن بالقضاء والقدر خيره وشره
بعدين هما ما قدروش ياكلوا البنى ادمين فقالوا ناكل السمك واهو برده يبقى اسمنا عملنا حاجة
بعدين كوبرى ايه وبتاع ايه ، يعنى يبقوا قطاعين ارزاق ويقطعوا على شركات الملاحة..ده كلام
لا اله الا الله البلج جى بقى مش هاتنضف بقى
شكرا مجلس الشعب وشكرا حسنى مبارك
وشكرايا سادة الانتربول المصرى
وجهاز الشرطة العزيز
فعلا بقت بلاد للا تتطاق من ريحة القرف
ملحوظة: في الخدمة اذا اردتم المساعدة في اهالي قلعة الكبش
------------
ههههههههههههه
أضحكتيني للغاية
بالفعل لو لم تتقدم رابطة اسماك القرش بتلك الرسالة للمسئولين المصريين , فإنها ستعتبر وقتها ناكرة للجميل
!!!!!!!!!!
تحياتي اختاة
وبالمناسبة هناك موضوع هام في مدونتي
انتظر رأيك فيه
شادي فايد
و الله يا اخ شادي شكله كدة يا اما احنا بنتلكع من سنة 88 او بنتعزز على الحكومة السعودية!!؟
صاحب البوابة
عجبتني حكاية رابطة اسماك القرش دي و بعدين سمك القرش طلع ذوق عننا
ذوق..ذوق..ذوق..
اكيد لازم ازروك و هدلي بدلوي في الموضوع بس ياريت تسيبلي البوابة مفتوحة عشان مش هقعداخبط و ايدي توجعني!!؟
:-)
عصفور المدينة
حلوة اوي نص كبري دي...و في بعد ما الناس تمشي النص بتاع السعودية بسلام تركب عبارات النص المصري و تغرق و ياكلها السمك!!برضه
ايه بقى الحاجات اللي عايز تسجل شكرك و عرفانك عليها؟؟جبت منين الحاجات دي؟؟
:-)
fad-fadat nour
و احنا هنعوز ايه اكتر من كدة
الله يعمر بيتك
:-)
شرفتيني
بحبك يا مصر
الحمدلله الحكومة اول ما خلصت صلاة الجماعة طلعوا القرار ده..و بعدين هي عارفة ان المؤمن دائما منصاب...
و بعدين ما السمك غلبان برضه و عايز يعيش مش مصري!!؟
نورتيني
elgazaly
فعلا شكرا..و هو سمك القرش هيطلع احسن مننا و يشكر...
يا سيدي متزعلش المهم السمك فرحان و شبعان و متوصي عليه من الحكومة
عقبالنا!!؟
اهو خلي القرش يعيش
مهو برضه لازم نحافظ على الاحياء المائية
الصديق زحل الفلكي
احنا بني آدمين انانيين بنفكر في نفسنا و ننسى الكائنات الغلبانة اللي بتستنى موسم الحج بفارغ الصبر
نورتني
كل عبارة وانتوا طيبيــــــن خلاص المولد انفض وطلع المتهم هو _ القضاء والقدر _ سفاح مصر الاول وجارى البحث عنه لالقاء القبض عليه .
ويحيا العدل وشكرا لكل من ساهم في تحقيق العدالة وكشف الجريمة بعد وقوعها
العصابة عملتها وهاتعمل اكتر من كده ولا عزاء للشعب المهاود
الناس دى مش بتفكر الا فى مصلحتها مش مهم البشر مفيش اكتر منهم اللى يجيبلهم المصلحة والفايدة يمشو وراه يا رب يصبح عليهم يوم وميلقوش شعب يذلوه
كالعادة ...اسلوب جميل يا نقطة ميه ..
لقيت كام بيت شعر مناسبين للموقف
بيني وبين قاتلي حكاية طريفة،
فقبل أن يطعنني حلفني بالكعبة الشريفة،
أن أطعن السيف أنا بجثتي،
فهو عجوز طاعن وكفه ضعيفة،
حلفني أن أحبس الدماء عن ثيابه النظيفة،
فهو عجوز مؤمن سوف يصلي بعدما
يفرغ من تأدية الوظيفة،
شكوته لحضرة الخليفة،
فرد شكواي لأن حجتي سخيفة.
لأحمد مطر
تحياتي
sendbad
قصدك لا عزاء للشعب الملوش قيمة عاش او مات
تحياتي
تلفيزيون ملون
اشكرك فعلا على ابيات الشعر فعلا مناسبة للموقف و اثرت فيا جدا
نورت ميتي
امام الجيل
امين يا رب العالمين...بس محددتش الشعب هيختفي ازاي..خد بالك سمك القرش شادد حيله اليومين دول
شرفتني بالزيارة
شاب مصري
و انت بالصحة و السلامة و يارب العبارة الجاية محدش يفتح بقه عشان القضاء و القدر و الا يبقى مش مؤمن
بس الجريمة بعد متكشفت الحكومة غطتها
نورتني بالزيارة
جميل اوى مقالك دة انا اسم المدونة شدنى فدخلت اقراها فلقيت كلامك جميل جدا
radwa
نورتيني و سعيدة ان المدونة عجبتك و يارب تزوريني دائما
لا حول ولا قوه الا بالله
حسبنا الله ونعم الوكيل
وماذا تنتظرين؟؟؟
جزر
والله انا كنت متوقعة و مش منتظرة اللي حصل ده..عشان ده طبيعي في بلدنا
تحياتي
حقيقة مدونة جميلة
و عجبني البوست
و خصوصا أن انا من منتهجي الاسلوب الساخر
عبارات و قطارات و طيارات و حوادث بالهبل ع الطريق ده غير العنف و البلطجة و امن الدولة
انا باحب مصر
السلام عليكم ورحمة الله وبركاته
دائماً عدالة الأرض ناقصة
أما عدالة السماءفلا مفر منها
وهذه الدماء المهدرة ستظل فى رقبة المتخاذلين إلى يوم الدين وستكون محاكمة إلهية .. أمام رب العباد الذى لايغفل ولاينام.
تقديرى واحترامى
علاء
اشكر اشادتك بالمدونة بوجه عام و بالبوست بوجه خاص
كما اشكر تشريفك بزيارتي التي اود ان لا تكون الاخيرة
وانا كمان بحب مصر ربنا ينجيها
محمد الجرايحي
و عليكم السلام و رحمة الله و بركاته
طبعا الامل في السلطات منعدم و لكن الامل في رب العالمين لا ينقطع
متفقة معك جدا
لو(مع انها تفتح عمل الشيطان) كل واحد مؤمن ان اللي بيعمله هيتحاسب عليه مكنتش الناس دي ماتت
اشكر زيارتك الكريمة و بانتظار تكرارها
لا واللا الطرق واللا القطارات
كل ده بيصب في خفض الكثافة السكانية
مش احسن بردو؟؟؟؟؟؟1981
الملفات ديه مسيرها في يوم تتفتح تاني مهما قفلوها ولا ولعوها ولا فطسوها
لأن ديه أرواح بشر كان كل ذنبهم في الحياة انهم فقرا ومالهمش ضهر
وعلى فكرة كلما ضاقت حلقاتها واستحكم فرجت
وفرج ربنا قريب واللي قتلوا الناس ديه حياخدوا جزاؤهم في الدنيا مش في الآخرة
بس الصبر شوية عشان نهايتهم قربت
مدونة جميلة أوي على فكره
عنوان المدونة واسمك شدوني
باحيي فيكي روح الابداع والتجدد
بس الله يسامحك على صورة القرش !! خليتييني اتخيل شكلها وهي بتتلقى الاجسام الميتة وبتقول اهلاااا
ربنا يرحمهم اجمعين !! حاجة سيئة واليمة جدا ان الواحد مثواه الاخير يكون في معدة سمكة قرش
ربنا عالظالم والمفتري
تحياتي
علا من غزة
انا اولا سعيدة جدا بزيارتك يا اختي و خاصة لانك من ارض النضال و بيت المقدس حررها الله...
اشكر اشادتك بالمدونة...و اعتذر على ما سببته صورة القرش بس البوست كان من نوع الكوميديا السوداء
و ماليش بعد دعائك الا اني اقول"آمييييين"...
نورتي المدونة المتواضعة
مصراوي اوي
اكيد طبعا..كل الحاجات دي تصب في مصلحة الوطن..عشان يفضى شوية و الحكومة تعرف تعدنا!!
اشكر زيارتك
فرفوشة
اكيد الناس دي هتاخد جزائها في الدنيا و الآخرة..احنا ايمانا بعدالة سبحانه و تعالى لا حدود لها..و لكن لا نأمل شيئا من عدالة اهل الارض...
اشكر اشادتك بالمدونة
نورتي ميتي
Post a Comment