ازيك يا مواطن؟
مبسوط؟
سنة جديدة اهة...عايز ايه اجمل من كدة!؟
ايه؟....بتدعي تكون احسن من اللي قبلها؟
ياراجل حرام عليك تدعي علينا
طيب قول يارب تفضل زي اللي قبلها..
على الاقل الناس لسه بتاكل..بتاكل ايه مش عارفة بس بتاكل..
على الاقل الناس بتعترض و بتحتج..اي نعم اغلبهم مبيخدش اللي هو عايزه..بس اهو..
على الاقل كل حاجة بتتزور بتلاقي اللي يطلع ينكر..حد عارف السنة الجديدة حيطلع اللي يقولك
"آه زورت..اعمل اللي تعمله"هيبقى بتحرج نفسك
يا مواطن يا لذيذ...
احمد ربك انك لسه عايش لا مت من الجوع..
ولا بيتك وقع على نافوخك انت و اهلك..
ولا العشة بتاعتك اتحرقت..
ولا غرقت في عبارة او مركب..
ولا اتقتلت في حادثة قطر..
ولا اتسحلت في مظاهرة او الانتخابات او الاستفتاء..
ولا اتعذبت في قسم شرطة..
ولا جالك مرض تموت من كتر تعب اللف على المستشفيات و تغيظ المرض..
ولا ميكروباص داسك او اتوبيس وقع بيك في ترعة..
ولا اتكهربت في عمود او وقعت في بلاعة...
ولا اعتقلت من على البلاج...
ولا وقع عليك سور مدرسة..
او طعنك حد عشان ياخد السبعة جنيه اللي معاك..
ولا انتحرت..
ولا حد تحرش بيك..
ولا ملقتش مية حتى تشرب..
ولااتدبست في اشاعة ..
ولا مت في طابور عيش..
يا مواطن يا عسل
بوس ايدك وش و ضهر و انشكح و اتمنى ان السنة الجاية تنتهي عليك بنفس الحال اللي انتهت عليك السنة دي..قوم هات كيلو لب و سوداني ...لو معاك حقه....
و اضرب البدلة و البس الطرطور ..
ايه لسه لابسه؟؟
من السنة اللي فاتت كمان..هايل...متقلعوش بقى...و احتفل كدة على ما قسم
و كل سنة و انتم طيبييييييييين
و حسبي الله و نعم الوكيل
آخرصورة التقطهافي2007 ومش عارفة ليه حساها مناسبة لليوم ده
مبسوط؟
سنة جديدة اهة...عايز ايه اجمل من كدة!؟
ايه؟....بتدعي تكون احسن من اللي قبلها؟
ياراجل حرام عليك تدعي علينا
طيب قول يارب تفضل زي اللي قبلها..
على الاقل الناس لسه بتاكل..بتاكل ايه مش عارفة بس بتاكل..
على الاقل الناس بتعترض و بتحتج..اي نعم اغلبهم مبيخدش اللي هو عايزه..بس اهو..
على الاقل كل حاجة بتتزور بتلاقي اللي يطلع ينكر..حد عارف السنة الجديدة حيطلع اللي يقولك
"آه زورت..اعمل اللي تعمله"هيبقى بتحرج نفسك
يا مواطن يا لذيذ...
احمد ربك انك لسه عايش لا مت من الجوع..
ولا بيتك وقع على نافوخك انت و اهلك..
ولا العشة بتاعتك اتحرقت..
ولا غرقت في عبارة او مركب..
ولا اتقتلت في حادثة قطر..
ولا اتسحلت في مظاهرة او الانتخابات او الاستفتاء..
ولا اتعذبت في قسم شرطة..
ولا جالك مرض تموت من كتر تعب اللف على المستشفيات و تغيظ المرض..
ولا ميكروباص داسك او اتوبيس وقع بيك في ترعة..
ولا اتكهربت في عمود او وقعت في بلاعة...
ولا اعتقلت من على البلاج...
ولا وقع عليك سور مدرسة..
او طعنك حد عشان ياخد السبعة جنيه اللي معاك..
ولا انتحرت..
ولا حد تحرش بيك..
ولا ملقتش مية حتى تشرب..
ولااتدبست في اشاعة ..
ولا مت في طابور عيش..
يا مواطن يا عسل
بوس ايدك وش و ضهر و انشكح و اتمنى ان السنة الجاية تنتهي عليك بنفس الحال اللي انتهت عليك السنة دي..قوم هات كيلو لب و سوداني ...لو معاك حقه....
و اضرب البدلة و البس الطرطور ..
ايه لسه لابسه؟؟
من السنة اللي فاتت كمان..هايل...متقلعوش بقى...و احتفل كدة على ما قسم
و كل سنة و انتم طيبييييييييين
و حسبي الله و نعم الوكيل
آخرصورة التقطهافي2007 ومش عارفة ليه حساها مناسبة لليوم ده
36 comments:
بوست جمييييييييييييل
لو كتبنا بوست للسنة اللى جاية حنقول ايه
لو حلمنا بمصر بكره حنقول ايه
لو حلمنا بشعب ناصح مش طرطور حنقول ايه
لو حلمنا القدس جامعنا حنقول ايه
لو حلمنا بجنة بكرة حنقول ايه
يا ترى ممكن نحلم علشان نحقق حلمنا
ولا حنفضل عايشين فى حلم امبارح
عجبانى اغنية محمد منير
لو بطلنا نحلم نموت
تحياتى وشكرا للزيارة
ياااه
انا مش كنت فاكر اني ف نعمه للدرجه دي
لا ده كده رضا اووي الحمد لله بس فعلا ربنا يديم علينا اللي احنا فيه مش عارفين بكره مخبي لينا ايه
كل سنه وانتي احسن
كلامك بقاله فتره حقيقي اوي وواقعي اوي علشان كده بنحس بيه اوي وبنزعل بعده اوي اوي اوي
اه على فكره انا نسيت اقولك اني مش هالبس الطرطور
انا مولود بيه اساسا
كل سنة وانتي طيبة
وربنا يجعل السنة اللي جاية احلى من اللي فاتت
من نفسنا مرة نشوف البلد حلوة وكويسة
يمكن يحصل في يوم من الايام
كان الله لنا جميعا
عارفة هو ده اللى عاوزينة بالضبط
الاسعار تغلى وتغلى
يعنى مثلا الزيت كان ب3.5 بقى ب7.5 وهيبقى ب8
فلما يرجع ل 7.5 تانى الناس تفرح وتقول الزيت رخص
مع انه فى الاصل كان ب3.5
تحياتى
كل سنة وانتى طيبة
وسيزال المواطن بخير
مهما قل الخير
ومهما تضاءلت فرصه
لكن فيه امل بالتغيير
للاحسن والافضل
طالما لسه عايشين يبقى
لسه فيه امل
يارب يا صديقتي العزيزه ربنا يخلف ظنونا جميعا
وتبقي سنه تغير من كل حاجه يا رب العالمين
بوست اكتر من رائع
فكرتيني بالحوار الي كان بين فاروق جويده ومني الشاذلي في العاشره مساء
برضه كان فيه نفس المعاني الي انتي كتباها
كل عام وانتي بالف خير
ويارب يسعد ايامك دايما
وتبقي اسعد سنه عليكي يا قمر
الف شكر علي مرورك وزيارتك الي بتسعدني
واتمني اشوفك دايما يا قمر
تحياتي وكل عام وانتي بالف خير
لا يا نقطة المية نتمنى تبقى السنة دى احسن من الى قبلها و بالذات للناس الغلبانة دى و تكون الصورة الجديدة الى حتخديها ليهم لابسين فيها لبس رخيص برده على قده بس ساترهم و يناموا متعشيين ان شا الله حبنة قديمة
كل سنة وانتى طيبة
ياااه...ده الواحد محظوظ فعلا انه لسة عايش رغم البلاوي اللي بتحصل كل يوم
:DD
كل سنة وانتي طيبة
السلام عليكم ورحمة الله وبركاته
هههههههههههههه
ايه كل التفاؤل الفظيع ده،
الحمد لله يارب الحمد لله علي كل اللي احنا فيه
ربنا يديمها نعمه ويحفظها من الزوال
فكرني كتير بالبوست بتاع يوم باذنجان
:)
البس الطرطوور
واتطرطر
وافضل غلبان
واموت جعان
درجن درجن
===========
السلام عليكم
أتارينا في نعمه كبيييييره
ولا حاسين بيها
بوست جاااااااامد
بس بالشكل ده مش هنحلم ولا نحاول هنقعد جنب الحيطه خايفين ليخدوها كمان
لازم نعيش
لازم نحلم
لازم نحاول
مهما حصل
عمر محمود
=================
منور المية جدا و سعيدة ان البوست عجبك..و مين قال اننا مش بنحلم..انا بحلم ان السنة دي تبقى زي اللي قبلها..لو بطلنا نحلم نموت مش كدة
العزيز ولو
=============
كل سنة و انت و انا و مصر احسن..والحمدلله على كل شىء..متزعلش..دي الحقيقة المرة
:-)
هايل انت نموذج للمصري الاصيل اللي بيحافظ على الطرطور
:-)
منورني اكيدو دائما
صاحب المضيفة
=================
و انت طيب و مصر طيبة
شكلك عندك شوية تفاؤل..ممممممم..يبقى معندكش طرطور..
:-)
و يمكن مصر تبقى احسن...في عصر من العصور بعد انقراض ما كان يسمى بالمواطن المصري
منور المية
الطائر الحزين
==============
اهو اللي انت بتقول عليه ده بالظبط هو من تأثير الطرطور على المواطن المصري..
ربنا يستر
منور المية دائما
امام الجيل
===============
ايه التفاؤل ده كله..
والله محدش يكره الخير و لا بتمناه..بس حاستي السادسة بتقول غير كدة..مش تشاؤم مني بس الواقع في الاسوأ و بديهي ان طول ما الغلاء في الارتفاع و المواطن المصري مش هيلاقي ياكل فهينقرض!!
كل سنة و انت طيب
و منورني
الغالية
gohayna
=============
كل سنة و انت بالف خير و نجاح..و يارب فعلا ربنا يخلف ظنونا بمصر..
دائما المية منورة بيكي
الغالية عاليا حليم
=====================
يارب يا جميلة تبقى احسن بس الواقع صادم و مش مبشر..ربنا يستر
كل سنة و انت احسن و انجح و اسعد ان شاء الله
منورة المية
Marvel
=========
و انت طيب و ناجح و محظوظ
:-)
نورت المية
خمسة فضفضة
=============
و عليكم السلام و رحمة الله و بركاته
شرفتيني فعلا بالزيارة و دي اول حاجة حلوة تحصلي في 2008 و يارب دائما
و معاكي الحمدلله على كل شىء و البوست امنية حفظ النعم من الزوال في السنة الجديدة
نورتي المية بجد و يارب دائما
احمد سلامة
==========
شكل البتنجان مش هنلاقيه حتى السنة دي
ربنا يستر
و اهو المهم كل واحد لابس الطرطور و مستني
كل سنة و انت طيب
نورت المية
زمردة
==========
سعيدة ان البوست عجبك..و طبعا لازم نحلم.......ان السنة دي تبقى على الاقل زي اللي فاتت
منورة المية
dear >.I wish U a happy new Year.
Ihave told U 2 times..that U should change Or remove the map Of Egypt
//
THE MAP IS WRONG
why do not U understand..
this map make ( Mothalth Halayeb) the halayeb triangle..withen The sudani border..and that is not true..or at least ..a struggle Point between the 2 countries..
so How do U as egyption use a map ..that make halayeb as a part of the Sudan
DO U UNDERSTAND???????!!!
جميل اوى البوست يا نقطة ميه ...
انا دلوقتي بحمد ربنا ... انى ما متش في عبارة و لا تعذبت فى قسم بوليس و لا بيتنا وقع بينا ولا ....
عندك حق و الله ..
ههههههههههههههههه
فظيعه فعلا
انا من ساعة ما قريتها مش قادره امسك نفسى من الضحك
مش عارفه يمكن لانها حقيقيه اووى
عموما كل سنه وانتى طيبه وحسبى الله ونعم الوكيل
وبس خلاص
الله عليكى
كلامك فى الصميم بجد
اول مرة ادخل عندك بس مش هتكون الاخيرة
الله عليكى بجد
وكل سنة وانتى طيبة
السلام عليكم
بسم الله ماشاء الله
ايه بس التفاؤل دا
كل سنة وانتي طيبة
اول مره امر عندك والاقى كده بجد بجد رائع بس ياريت دعوه للحلم بمصر افضل دعوه للعمل بمصر احلى
ههههههههه
الحمد لله يا أختنا
يا ريتها تبقى زى اللى قبلها
بس اللى قبلها كانت زى الزفت
مظنش أتمنى تبقى زى اللى قبلها
أتمنى تبقى أحسن طبعا
مخدش خد حقة آه
و نتمنى ناخد حقنا
هى أمنيات
أعتقد الأمنيات فعلا من حقنا
و هييجى اليوم تتحقق
شكرا ليكى جدا على البوست الجميل
د.حمــــاس
تحياتي
نظرة حضرتك كلها تشاؤم...رغم عمرك الصغير...عمر الزهور...
عموما...اسمحي لي ان اقول اننا كشعب جزء مهم و عامل من العوامل الفاعلة في هذا الوطن...و كما نطالب الحكومة ان
تحسن من مستوي المعيشة ، و هذا بالطبع أمر مشروع و مقبول ، يجب علينا أحنا كمان كشعب افراد و جماعات ان نحسن من
أخلاقياتنا...و نتمسك بديننا و قيمنا
علي سبيل المثال الا نتاجر في قوت الناس
الغلابة...الا نحتكر السلع...الا نرفع الاسعار دونما مبرر...ان نرحم الضعفاء
من الناس حتي يرحمنا من في السماء...
تحياتي و ان شاء الله عام 2008 يكون افضل و أحسن...و ان يكون شباب هذه الأمه في مواقع القيادة و الريادة.
تحياتي و تقديري
تحياتي
الف مبروك لصاحب البوابة...و لكل من حلم و خطط و نفذ مشروع خاص به...ينفع به نفسه و غيره من الناس.
تمنياتي بالتوفيق للجميع.
خالص تقديري
كل سنة و انتم طيبيين
و ادعوا الله ان يجعل هذا العام
عام سعيد و احسن من العام السابق فى حجات حجات طبعا
Happy New Year
2008
مروة الزارع
==================
يسعدني ان البوست عجبك و المدونة تتشرف بزيارتك في اي وقت
نورتي المية
a Dreamer with feet on the Floor
================================
يا سيدي مش مشكلة..انت قلتلي و فهمت الحمدلله لاني على ما اعتقد بفهم..عليها علم مصر محدش هيفكر في حلايب لما يشوف الخريطة..عشان تصدقني هكتب تعليق فوق الصورة بيقول انها غلط
ههههههههههههههههههههههههههههه
تصدقى فعلا
والله الحمدلله اللهم ديمها نعمه واحفظها م الزوال
نايس بوستتتتتتتت
Post a Comment