النهاردة تكمل مدونتي سنة...يااااااه ....مكنتش متخيلة اني هكمل سنة...
.ده حتى مكنتش عايزة اعمل مدونة بس مصطفى (صاحب البوابة)لعب في دماغي و اهو حصل اللي حصل....
.اكتشفت ان المدونة هي باب مفتوح بين القلب والقلب..وروح كل انسان بتتلبس مدونته...
احيانا بحس وانا بزور مدونة اني اعرف صاحبها او صحبتها من زماااان ..
و احيانا بزور مدونة احس بفرح مش عارفة مصدره..
و مرات احس بنور ايماني بيغلف المدونة...
مرات احس بطفولة وبراءة...
و مرات بحس بروح مرحة متفائلة...
و مرات احس بالحرية....
مرات احس بالاتزان و الرزانةو احيانا الجنون..
بحس بصداقة واخوة.....تقارب افكار و مشاعر....حب صادق و نفوس طيبة..وطنية نابعة من القلب.....
و دايما بحس بموهبة فذة...و دايما بطلع من اي مدونة مستفيدة
احنا اسرة كبيرة ساكنين جنب بعض...بنسأل على بعض و بنفتقد بعض و بنحس بفرح و حزن بعض...
كونت صداقات جديدة و قيمة و اعتز جدا بيهم اللي شفتهم شخصيا و اللي لسه مشفتهمش..ورغم قلة تواصلي في الفترة الاخيرة للسفر..لكن عارفة انهم مقدرين....
احتفالا بقى بعيد ميلاد نقطة مية هاعمل نيولوك
واشكر كل من قرأ حرف واحد من المدونة او علق ...
و كل من سأل عني او تواصل معايا..
و لسه على تواصل دائم ان شاء الله
34 comments:
السلام عليكم ورحمة الله وبركاته
كل سنة وانتِ طيبه وعقبال مايبقوا ميت سنه تدوين
انا كمان استفدت بوجودك فى عالم التدوين وتأثرت بمدونتك
ربنا يحفظك
في البداية كل سنة تدوين وانتي طيبة وكل امانيكي منك قريبة بإذن الله
اما عن المدونات فبجد العالم ده علي قد ما هو عالم جديد الا انه فعلا بيقرب ناس كتير من بعضها
تحياتي
كل سنة وانتي والمدونة طيبين
ويارب دايما تكوني بخير
والله وحشتنا مواضيعك ووحشنا تواجدك في عالم التدوين
ربنا يوفقك وييسرلك جميع أمورك
رنا
كلامك فعلا رقيق اوي ا وي ا وي
ككل سنة و انت طيبة يا توتة بجد مبسوطة اوي انك كتبتي شئ
ربنا يوفقك يا رب و أشوفك قريب جدا
و عقبال اليوبيل البرونزي و الفضي و الذهبي
في حفظ الله يا عزيزتي
كل عام انت بخير
كل سنه وانتي متألقه ومحترمه ومفيده ومستفيده
واكيد زي ما استفدتي من هذا العام اعتقد انكي من الاشخاص الذين تركوا بصمه علي التدوين
دمتي متألقه
ربنا معاكي في غربتك ويوفقك لكل خير
وعقبال ميت سنة للمدونة الجميلة دي
ترجعي بالسلامة
تحياتي
كل سنة وانت طيبة
يختي كميلة لسه مدونة نونو :)
بس انتي من الناس الي بقول عليهم .. ايه ده .. بس سنة وحدة! انا حاسة اكتر من كدة :]
طبعا احنا مقدرين ظروفك بس بجد لسه بنحب نقرالك
طبعا هاعزم على نفسي حتة من الجاتوهاية الي فوق دي :p
تحياتي القلبية
:)
كل سنة و انت طيبة و بخير
و عقبال 10000 سنة تدوين
و ربنا يوفقك في كل اللي بتعمليه
كل سنة و مدونتك تفضل دايما سعيدة و محترمة و جميلة أوي
انت قلتي كلام كتير أوي بحسه جدا في عالم الفانتازيا دة، بحسنا فعلا اسرة كبيرة و كلنا بنحس ببعض و بنتأثر ببعض أوي
مدونتك مدونة محترمة أوي بحبها جدا، وإحساسي بيها زي ما قلتي بالضبط.. بحسني عارفاكي من زمان ومش هستغرب لو شفتك في الحقيقة، كمان بحس بروح إيمانية جميلة أوي لما آجي هنا..مش عارفة مصدره إيه بس دة اللي بحسه :). كل سنة و انت أطيب و أسعد دايما
تحياتي
ربنا يبارك فيك وفي عملك وعمرك
روحك جميلة قوي
واحساسك اجمل
يمكن ميكونش هندك عبقرية ادبية ولكن عندك براعه في توصيل احساسك بسهوله
ربنا يزيدك
ثانيا الموفروض بعد سنة ان نقطه المايه تكبر ولا ايه
الف الف مبروك...
وعقبال الف سنة يا ستى
كل سنه وانتي طيبة يا بشمهندسة
وعقبال السنه الجاية منباركلك بسنه جديده تدويييين
ندعوكم لحضور حفل زفاف (ابن عمر) وذلك يوم الخميس 29/5/2008 فى قاعة الأفراح بنقابة التطبقين وذلك عقب صلاة العشاء
السلام عليكم
فين بس الاعلانات عن كتابك الاول
انا قلت هاجى الاقيك قالبه الدنيا عن مدونات مصرية للجيب
الله الله على الاسم الائع لمدونتك...........حقيقي جذبني الشعار جدا ...............انا جد معجبه بمدونتك واتمنى نكون اصقاء.........weda
كل سنة وإنتي أجمل، واتفاجئت بإنك منشور لك ف كتاب المدونات، فألف ألأف مبروووك يا ستي، ويااارب كده من نجاح لنجاح وتقدم، وعلى فكرة تنبهت إلى إنك بقالك فترة ما بتعديش ..........
ويااارب كل سنة تدوين أحلى
كل سنة واحنا فرحانين بوجودك معانا
ياااااااااه
شكلى اتاخرت اوى
انتى فينك يا بنتى ؟
كل سنة و نقطة مية منورنا و غالية عندنا
يالا حالا بالا حيوا ابوا الفصاد
ويك ويك
كل سنة و المدونة طيبة
تحيتي ويسرني أن أدعةك لزيارة مدونتي المتواضعة ولو أن هذه الزيارة الاولى لمدونتك ولكن لن تكون الأخيرة بيننا زيارات كثيرة..
أنتظر زيارتك والمرور بصفحة التعليقات
مدونتي هنا
http://kanyatklam.blogspot.com/
فييينك ....
قبل ما اقول مبروك لازم اقول فينك
عقبال 100 سنه ( وانتى هنا بتدونى ) وسعيده وبتفضفضي وبتفيدى وتستفيدى
كل سنة و انت طيب
فين التورتة بقى ؟؟
ولا انتوا عاملين عيد ميلاد اورديحى ؟
يللا مش مهم ابقى اشترى جاتوه و انا مروح
ههههههههههه
عامة اللى خلانى أعلق بصراحة هم الكلمتين اللى على اننا عيلة فى بعضينا
لأنى فعلاً بحس الاحساس ده
اننا اسرة كبيرة و كلنا مع بعض حتى لو اختلفت وجهات النظر
******************
عامة عقبال مليون سنة تدوين
سلام
كل سنه و انت يطيبه رغم انها متأخره قوي
تحياتي
كل نقطة وانت طيبه
قصدى كل سنه وانتى طيبه
.......................
سندريلا
كل سنه وانتى طيبه ياحبيبتى
عؤبال سنين كتير
وتكتبى اكترررررر
كـل سنـة وانتى ومدونتك طيبين
وعقبال 100 سنة
وعلى فكرة انا من الناس اللى نفسها تتعرف عليكى يا نقطة مية
طال الوقت من غير ماتطمنينا عليكي
يارب تكوني بخير
كل سنه وانتي بالف خير وان شاء الله الظروف تساعدك وتقدري تقضي فترة من رمضان وسط العيلة
ابقى طمنينا عليكي وبالتوفيق يارب
كل سنة و انت طيبة يا نقطة مية عشان رمضان
ربنا يتقبله منا و منك إن شاء الله
انت كملتي سنة تدوين و قررتي مش تكتبي تاني و لا إيه؟؟
في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:
http://www.ouregypt.us/culture/main.html
كل سنه ومدونتك طيبه وانتى طيبه والف صحه وسلامه
مدونتك جميله
واتمنى تنورينى وتقبلينى صديقه ثقيله لمدونتك
فينك يا بنتى ايه الحكاية ؟
Post a Comment