من قديم الازل...عرف المصري معنى الحلم و معنى ان يتحقق...كان واثقا من نفسه و من قدراته حتى انه قد حلم بالخلود المستحيل و حققه....و ترك بصماته في الدنيا واضحة..في شكل حضارة عظيمة..كانت يوما حلما صغيرا...
لقد استثمر المصري القديم طاقة الحلم و حولها الى شىء مادي محسوس
لماذانحن ما عليه الآن؟
لم نعد نعي ما هو الحلم
اصبح حلم المواطن المصري
ان يجد قوت يومه
ان يتعلم
ان يعالج
ان يجد عملا
ان يعيش آمنا
ان يعامل كانسان
نعم ...اصبح المصري يحلم بحقوقه
لقد وأدت الظروف الاقتصادية مخيلته
وتفشى الفساد كالسرطان
و غرزت وحوش السياسة مخالبها في الحناجر
و امتص النظام طاقة الحياة من الاجساد
و تحولت بلد الحضارة الى بلد تأوي الاطياف
يجب ان نتمسك
بانسانيتنا
بكياننا
بمصريتنا
بحلمنا
ولا نستسلم
لقد اتقن النظام لعبة تحطيم الاحلام
ووضع الشعب المصري في موقف سيء يفرض الصمت و عدم البوح بما تختلج به الصدور
لقد زرع الخوف في القلوب و خشي المصري من حلمه لأن الاحلام يعاقب عليها القانون
و اصبح لا يلق لمكنون نفسه بالا فقد شعر بدونيته امام حلمه
هم يعلمون أنه
اذا اردت ان تقضي على شعب..اقضي على حلمه
و نحن نعلم انه
اذا اردت ان تقضي على فساد ..احلم بكابوسه
و نحن لن نذهب دون مقاومة
"يتحقق الحلم..للذين يؤمنون بتحقيقه"
مقولة صينية
50 comments:
حمدا لله على سلامتك
وانت قلتي حكمتين جمال
الأولى كويسة أما التانية كويسة
أما التالتة فمن عندي
لازم نكبر أحلامنا ونعلي همتنا
وإن شاء الله يكون الله سبحانه عند ظننا به مهما حاولوا قتل أحلامنا
حمدلله علي اللسلامه يا جميله
وان شاء الله بالاراده القويه والعزيمه وصفاء النيه نقدر نحقق كل امالنا ان شاء الله
وربنا فوق الكل يا جميله
تحياتي ليكي جدا
حمدا لله على سلامتك
تدوينة مشابهة اصرخ نفس الصرخة
http://sadbrd.blogspot.com/2007/05/blog-post_22.html
انتي قولتي كل حلجة
مفيش كلام تاني
بحد كلام رائع
السلام عليكم
اهلا بيكي بجد من تاني
نورتي بلوجسبوت كلو
عايز اقولك ان كل حاجة حوالينا النهاردة بقت تقتل الحلم فينا حتى قبل ما يتولد
وتحسي ان احنا ف وادي وهما ف وادي تاني خالص
اعلانات عن تطورات وانجازات وانشاءات ووو
وتيجي تبصي على الشعب والناس تلاقيهم ميتين م الجوع
حسبنا الله ونعم الوكيل
كلامك طيب جدا أختنا الفاضلة
وضوح الطريق مع تحديد الهدف مع شحذ الهمم هو السبيل الوحيد للوصول للأفضل
جزاك الله خيرا
حمد الله على سلامنك رجعتى و نورتينا تانى أيوة كده طرى علينا البلوج و لو ان يعنى الشتا داخل
ههههههههههه
و الله سؤالك ده صعب و لامك اصعب مش عارفة ليه انا نفسى بعد ما كان الطموح عندى جامح بصراحة ابدتديت اياس من كتر الضغوط تسلط غريب من الوسايط و العلاقت و المعارف و المصالح الواحد مش عارف يعمل ايه بأينا نقول كفاية ندبر قوت يومنا عشان نعرف نعبد ربنا و خلاص
نقطة مية
حمدا لله على سلامتك يا جميلة :)
بجد بوست حلو أوي و مهم أوي
بداية الموضوع اللي كتبتيه حلوة أوي بأنك قلتي ان المصريين زمان حلموا بحاجة مستحيلة، لكن نجحوا في تحقيقها فعلا
للأسف أنا معاكي جدا في ان النظام أتقن لعبة تحقيق الأحلام، واتقنها جدا كمان. بس دة لا يمنع اننا لازم نفضل نحلم ونصر على تحقيق ولو بعض أحلامنا. يارب ترجعلنا الهمة تاني
الانسان من غير أحلام و من غير هدف بيبقى ملوش أي لزمة في الحياة
وجعتني أوي "الأحلام يعاقب عليها القانون". بس عندك حق
تحياتي يا قمر :) و منتظرين الجديد منك
اختي العزيزه نقطه ميه
الحمد لله على رجوعك تاني لمدونتك اللي اسعدنا اكتر ما يمكن يكون اسعدك
انا لن اعلق على البوست الان
انا فقط هنا لشكرك على العوده مره اخرى للتدوين
بجد اسعدتينا
عقبال رجوعك لمصر ان شاء الله ده ف حاله انك لسه مسافره
تقبلي تحياتي ولي عوده مره اخرى ان شاء الله
زادت معايا كمية من اكسير التفاؤل
يرجى الحضور فورا للاستلام
تحياتي
البوست جميل
وعلى رأى أستاذ عمر خالد
مفيش حد يحط فى دماغه حاجه ويصر على تحقيقها الا ويحققه
والأمام البنا رحمه الله قال
انما تنجح الفكرة أذا قوى الأيمان بها
واذدات الحماسه لتحقيقها
وتوفرت التضحيه من أجلها
لذلك فلنحلم ولنسعى لتحقيق احلامنا بقوى
كلامك صحيح مليون المية وبيعبر عن مصر 2007 بكل وضوح .
الاحلام موجودة لكن اتغيرت فى معناها ,
يعنى حلم الانسان بأشياء مثل الحب والأمن والحرية وكل ما يحيى آدميته اتغير للحلم بأشياء مادية ممكن تكون عربية أو شقة أو رغيف عيش ...
وطالما فشلنا فى تحقيق حلمنا المعنوي يستحيل أن نجد من يعطينا حلمنا المادي
...
عصفور المدينة
===========
الله يسلمك منور المدونة و كالعادة في الطليعة...فعلا لازم نكبر احلامنا و نعلي همتنا
تحياتي
الغاليه
gohayna
==========
الله يسلمك دايما بتسبقي بالخير يا قمر..ادامك الله للمدونة و جموع المدونين
:-)
و ربنا فوق الكل..بس ياريت الكل ده يفهم
نورتي المية
الطائر الحزين
===============
الله يسلمك نورت المدونة و شكرا على اللنك
ابراهيم
=========
الله يخليك يا ابو خليل
منور المية
آلام و آمال
============
و عليكم السلام و رحمة الله و بركاته
البلوج سبوت منورة دايما بكل فكر مستنير واحساس صادق ربنا يبارك فيك
احنا مبقناش عارفين نحلم و معاك جدا ان كل حاجة بقت تقتل الحلم و اضيف لان احنا بنستسلم
شرفت المية
حمدا الله على السلامة
قالوا " إديها كمان حرية "
اي حرية قالوا عنها ما يقولون .. اي حرية هذه التي تفتقد في بلدنا المهموم
... ولكن يجب علينا ان نحفظ احلامنا ونقاتل من اجلها .... يا ريت تزوروا الموضوع ده وتقولوا ايه رايكم
http://gawyhorya.blogspot.com/2007/11/blog-post_23.html
المهـ إلي الله ـاجر
=================
اتفق معك طبعا..سعيدة ان البوست عجبك
نورت المية و يارب دائما
تحياتي
الجميلة عاليا حليم
==================
الله يسلمك يا قمر وبعدين انا عاملة حساب الشتا و هركب سخان في المدونة ان شاء الله..متقلقيش..كله تحت السيطرة
:-)
اوعي تيأسي..متستسلميش..ساعات الواحد من كتر الضغط بيبقى هيموت و يموت حلمه معاه..بس ربنا اقوى من الكل
طبعا مش محتاجة اقولك انك منورة المية انت اكيد عارفة
العزيزة
علا من غزة
============
تم الاستلام يا قمر و ربنا يجعلك رمز للتفاؤل دائما
الجميلة
Wish I were a Butterfly
=======================
الله يسلمك و سعيدة جدا ان الموضوع عجبك يا رافعة معنوياتي
:-)
يارب ترجعلنا الهمة تاني
معاكي حق
المفروض ندعي الدعاء ده كل يوم و كل لحظة
منورة المية طبعا
العزيز
ولو
=========
الله يسلمك بجد اخجلني ذوقك...ربنا يوفقك
انا اللي اسعدني معرفة المدونين المحترمين مثلك
بارك الله فيك و زيارتك غالية و دائما مصدر سعادة
تحياتي
:D no2tty al 3azia
, akiran nawarti el modawna ll2sf makontsh a3rf get mt2khra a3zorin .. wknam e3zorini 3ala alfranko arab da ,msh b2idi 3otl fany
almohm 3awda 7amida:)
, post gamil awee w 3amik
nice words f3ln
"يتحقق الحلم..للذين يؤمنون بتحقيقه"
ابن الاسكندرية
===============
اشكر اشادتك بالبوست و اشكرك اكتر على الاضافة الراقية من كلمات عمر خالد و الامام البنا
تحياتي
البردية المصرية
====================
اولا الاسم جميل اوي..البردية المصرية...
انت قلت جملة قوية و صحيحة
100%
======
(وطالما فشلنا فى تحقيق حلمنا المعنوي يستحيل أن نجد من يعطينا حلمنا المادي)
تحياتي
إذا كان انظام إجاد لعبة تحطيم الأحلام فلما لا نتعلم نحن لعبة تحطيم الأصنام؟
لماذا لا نتعلم لعبة بناء الرموز؟
من منا رمز جيله وأقرانه؟
من منا رمز عائلته وأسرته؟
من منا رمز دينه وإسلامه؟
قوم يا مسلم دين محمد بيناديك
خد بنصرى نصرى دين واجب عليك
dear...U have choosen a Expressive name....as water is life..besides what u meant of the effect of one drop of water upon the time,..
what U say is so pretty and so true..but ..( U can wake just the alife..,but Ur words can never make the dead wake up)..
and 4 sorrow ...we became a nation of dead ones...if this nation is a life...why In Ur Opinion they do nOt do any thing 2 resist all this unjustice and all kindes of abuse ..we R under the level Of humanity....tell the miracle happenes..and there is no more miracles..
another Important Issue I have noticed in ur blog as in many otheres..
THE MAP IS WRONG
U coppied it from a forigner source..if U look 2 the south Eastern corner U will Find that U added ( Halayeb 2 Sudan)..and take it a way from Egypt...
while that is exactly the Reason of a conflict between the 2 sister Countries..
Pls Correct that so fast ..
have my best Wishes..wishing 2 read mre and more from Ur brave heart///
رنا الجميلة
ياااااااااااه وحشتيني يا جميلة...ازيك و ازي الإمارات على حسك...يا رب تكوني بخير
رنا الجميلة, حين يضيع الحلم العام و يتحول لحلم شخصي, عندها فقط تضيع الدول...حين يصبح حلم الفرد الواحد ان يتحول الى رصيد في البنك و سيارة فارهة..و يقارن بين العام والخاص فيفضل مصلحتة الخاصة على المنفعة العامة...هنا و هنا فقط يصبح لدينا ما يعرف بالفساد...
حياتي للقلم الذي افتقدته كثيرا في الشهور الماضية
فعلا والله
افكار اليوم هى احلام الأمس
فى رسالة عندى
ياريت تبص عليها
انتي يا بنتي فين
ما تظهري بقي بدل ما تتضربي
ياااه
حمدالله عالسلامة
:)
المصري بيحلم باقل من نص حقوقة
ويمكن اقل من كده كمان
بس كلمة قاسية قوي قوي :
ان يعامل كانسان
خليتني افكر
هي الحيوانات بتحلم ؟؟
تبا لكل متجبر
والف لعنة على كل ظالم ومغتصب
نقطة مية
كيف حالك؟؟ و فينك؟
اظهري على الشاشة بأة
:) وحشتينا
جزاكم الله خيرا ..
قال رسول الله صلى الله عليه وسلم :-
(فيمامعناه ) من قال هلك القوم فقد أهلكهم ..
ولا ننسى موقف سيدنا أبى بكر قبل حروب الردة .. وفى ذلك الوقت لم يكن هناك آذان يرفع إلا ى مكة فقط .. وقد قال له سيدنا عمر : ادخل إلى بيتك وادع ربك .. فى إشارة انه لم يعد هناك أمل ى التغيير .
فقال له سيدناأبى بكر (رضى الله عنه ) :-
أينقص الدين وأنا حىً ..
وحارب المرتديين
كيف حالك
يارب تكونى بخير
كل عام انت بخير
غاوي حرية
=============
الله يسلمك الف شكر...
و متفقة معالك اكيد اننا لازم نقاتل..و ادينا بنحاول
اكيد هزورك
نورت المية
عمر محمود
===========
معاك حق...لازم ندور و نبرز رمز و نتمسك بيه مش ننساه في اول الحرب..بس نلاقيه..لو كل واحد فكر انه يكون رمز هينصلح حالنا
تحياتي
العزيزة
Wish I were a Butterfly ..
=====================
انا جيت اهه ربنا يخليكي و انتي كمان وحشتيني و اشكر سؤالك جدا
الطائر الحزين
===============
و انت بخير منورني دائما و اشكر اهتمامك جدا
كل سنة و انت طيبة
ربنا يتقبل منك صالح الأعمال ان شاء الله
و يارب يكون عيد سعيد عليكي
:)
سلام عليكم
لماذا تواضعت احلام المصريين؟"
الاجابه ببساطه لانهم غلبه طيبين
مش طمعين
بس
عموما كل عام وانتى بخير مناسبه العيد
احمد الجيزاوى
ما تحقيق الحلم محتاج وسائل كتير غير الإيمان بيه
بس اهو بنحاول
قولى يارب
الغالية
هدى جمال
===========
ازيك يا جميلة و ولا يهمك على الكتابة اهو الكلام بيوصل
نورتيني
a Dreamer with feet on the Floor
============================
اولا الانجليزي بتاعك هايل ما شاء الله...ثانيا نورت المية في اول زيارة..
ثالثا النبي عربي ولا انت بتمتحني
:-)))
رابعا اشكر اشادتك بالمدونة و اسمها بجد يعنيلي كتييييييرر
خاسا انا مفهمتش ليه الخريطة غلط؟
و بعدين انا اتكلمت و انت قريت و معايا في الرأي يبقى احنا عايشين و فيه غيرنا بس احنا قليليييين..
وجعتني جملة
we R under the level Of humanity
تحياتي و مرة تانية منور المية
العزيزة و الغالية فعلا
سكوت هنصوت
============
والله وحشتيني موت
متفقة معاكي طبعا ووحشتني زيارتك جدا و متتخيليش مفتقداكم كلكم قد ايه
ابن عمر
========
نورت المدونة و عنيا هروح ابص على الرسالة
تحياتي
gohayna
الغالية جدا
=================
انا جيت يا جميل من غير ضرب اهه
:-))))
الصديق
احمد سلامة
=============
الله يسلمك منور المية يا ابوحميد والله
و سعيدة ان البوست عجبك
و مفيش حاجة غريبة ليه الحيوانات متحلمش
تحياتي
Dear ..The map is wrong as the triangle of Halayeb ( Mothalath halayeb)is shown in that map as it is a part of The sudan ,,
2nd ..I write in english ( mosh fazlaka Wallahi), but as I still can not Use the arabic keyBoard in a good way...and if U visited me U will Know..
best wishes
Post a Comment