اخواتي في الانسانية...و الفقر و المرمطة دية...اسمع حكايتي يا غلبان و اتعظ...اسمع حكايتي و انت قاعد منجعص...في يوم صحيت زي المجانين...الف الاوضة شمال و يمين...اتأخرت على الشغل يا جدعان..اصلي سهرت جنب ابني العيان..و قبل ما انزل من باب البيت مراتي قالت لي (هات لنا اتنين كيلو باذنجان)...
قلتلها(انا زهقت من المحشي و المسقعة)....قالت لي(اطبخي يا جارية..كلف يا عدمان)...بلعت لساني و نزلت...و على المحطة وقفت...ساعة تجر التانية و انا مستني..شوية و جه الاتوبيس ابو كعب متحني.. نطيت وجريت وراه زي ابوقردان..و لما اتشعبطت فيه فرحت و لا ابوتريكة لما جاب الجون في اليابان...اتحشرت بين البني آدمين زي الشعرة في العجين...لحد ما انتهيت في حضن واحد ملظلظ تخين..قولت في بالي "ده لا يمكن يكون انسان"...اصل ريحته في الحر مع الزحمة خليت دماغي في التوهان.....
وصلت الشغل بعد عذاب...من بختي لقيت المديرمتأخر وواقف على الباب..
بصلي بعصبية و قال لي"و كمان جاي متأخر..مخصوم منك تلات ايام"!!؟....قال يعني مش غلطان.. كتمت غيظي و طلعت لمكتبي في الدور السابع...و نفسي من السلم نازل طالع...لقيت كمية بشر لها العجب و كل واحد ماسك ورقة في ايده فيها طلب....دخلت مكتبي بعد تسع محاولات و اكتر...ملقيتش فيه من الخمس موظفين الا مدام عنايات بتفطر...قلتلها"فين الزمايل؟"...مبصتليش و ردت.."علي مجاش...و محمد ابو سالم مراته بتولد...و محمد توفيق عمته ماتت...سعيد راح يجيب بطاقته من البيت عشان الانتخابات.."....
قلتلها"انتخابات ايه اسمها الاستفتاء على التعديلات".....مصمصت شفايفها
وقالتلي"ياخوية...ما اسخم من سيدي الا سيتي..المهم قوم هش البني آدمين دول من هنا و قولهم اصل احنا رايحين نصوت في اللجان"....
شوية و لف عم متولي الفراش علينا و بيزعق"يالا يا جماعة الاوتوبيس اللي هياخدكم للانتخابات واقف تحت"..قولتله وانا نازل "يا عم متولي اسمها الاستفتاء على التعديلات"....بصلي بقرف و قالي"و هي يعني هتزعل عدلات دي..كله محصل بعضه..روح يا *مسكف*عشان تلحق العدلات"........قولت عشان ميطالبنيش بحساب المشاريب القديم...انزل و انا عامل نفسي مش زعلان.....
و في الطريق المدير قعد يقول"كله يصوت بنعم..و الا هياخد جزا و احنا مش قد الحكومة"...بصيت من الشباك لقيت خروف بيبصلي من نص نقل محملة خرفان!!!
خلصنا و رجعنا بعد ما كل واحد قال صوت الحكومة الجهوري..و لحوس صباعه بالحبر الفسفوري..و اغلبنا مش فاهم بيعمل ايه..بس ادينا بنقلد المدير..وفيها ايه...!؟
و انا مروح افتكرت الباذنجان اليومي...رحت واخد بعضي و جري على عم بيومي ..راجل غلبان من غير سنان..بيبيع خضار في آخر الدنيا..بتبهدل لما اروح له بس ناس كتير بيقولوا خضاره مية مية..و طلع عم بيومي كيس اصفر و حطلي فيه الباذنجان...
و نزلت رمسيس آخد مواصلة...و اول ما نزلت لقيت عساكر و ضباط في كل حتة..سألت هو فيه ايه..قالوا في مظاهرة....قلت اتمشى بعيد عن الدوشة يمكن الاقي حاجة اركبها..و فجأة الحرب قامت...و الضرب اشتغل من الامن المركزي..و من خوفي قلت اجري..بس على مين ..لما جريت افتكروني من الهربانين..و قلت للعسكري "انا مليش دعوة....انا مواطن في حالي..و اغلب من الغلب زيك و اكتر."..قالي"الاوامر اني اضرب كل اللي يمسك اصفر"..اتاري المظاهرة لحركة كفاية و مع اول عصاية ..اتقطع الكيس و اتبعثر الباذنجان...
مضروب في كل حتة..و هدومي متقطعة لمليون حتة...بجرجر في رجلي من كتر العذاب ..و طعم الدم في بقي مخلوط بالتراب...مش قادر اقول بيني و بين نفسي آه...و..."امشي يا حمار"..و صوت الخرزانة رن في ودني.."معقولة لحقوني لهنا؟"..ببص ورايا لقيت عربجي بيضرب حماره.."شي حا""..مش عارف ليه حسيت ان الحمار بقولي"حاسس بيك يا غلبان"!؟
و اخيرا ..هعدي الشارع و اكون قدام بيتنا...بس الحمدلله مش هنتغدى باذنجان...و انا بعدي الشارع خبطتني عربية و رحت في خبر كان..
في المستشفى
"آدي حكايتي...طول عمري جنب الحيط لحد ما وقع عليا...مش عايز من البلد دي حاجة..غير..غير..غير......"
"مرزووووووووووووق...مات و كان نفسه في الباذنجان!!!!!؟"
قالت زوجته
ملحوظة:عشان نبقى متفقين..البوست ده فانتازيا بحتة..يعني لا فيه اهانة لحد..ولا تقليل من حد..ولا شتيمة حد..ده مجرد سخرية من احداث ملخبطة و المعنى بين السطور..و احترامي للجميع
قلتلها(انا زهقت من المحشي و المسقعة)....قالت لي(اطبخي يا جارية..كلف يا عدمان)...بلعت لساني و نزلت...و على المحطة وقفت...ساعة تجر التانية و انا مستني..شوية و جه الاتوبيس ابو كعب متحني.. نطيت وجريت وراه زي ابوقردان..و لما اتشعبطت فيه فرحت و لا ابوتريكة لما جاب الجون في اليابان...اتحشرت بين البني آدمين زي الشعرة في العجين...لحد ما انتهيت في حضن واحد ملظلظ تخين..قولت في بالي "ده لا يمكن يكون انسان"...اصل ريحته في الحر مع الزحمة خليت دماغي في التوهان.....
وصلت الشغل بعد عذاب...من بختي لقيت المديرمتأخر وواقف على الباب..
بصلي بعصبية و قال لي"و كمان جاي متأخر..مخصوم منك تلات ايام"!!؟....قال يعني مش غلطان.. كتمت غيظي و طلعت لمكتبي في الدور السابع...و نفسي من السلم نازل طالع...لقيت كمية بشر لها العجب و كل واحد ماسك ورقة في ايده فيها طلب....دخلت مكتبي بعد تسع محاولات و اكتر...ملقيتش فيه من الخمس موظفين الا مدام عنايات بتفطر...قلتلها"فين الزمايل؟"...مبصتليش و ردت.."علي مجاش...و محمد ابو سالم مراته بتولد...و محمد توفيق عمته ماتت...سعيد راح يجيب بطاقته من البيت عشان الانتخابات.."....
قلتلها"انتخابات ايه اسمها الاستفتاء على التعديلات".....مصمصت شفايفها
وقالتلي"ياخوية...ما اسخم من سيدي الا سيتي..المهم قوم هش البني آدمين دول من هنا و قولهم اصل احنا رايحين نصوت في اللجان"....
شوية و لف عم متولي الفراش علينا و بيزعق"يالا يا جماعة الاوتوبيس اللي هياخدكم للانتخابات واقف تحت"..قولتله وانا نازل "يا عم متولي اسمها الاستفتاء على التعديلات"....بصلي بقرف و قالي"و هي يعني هتزعل عدلات دي..كله محصل بعضه..روح يا *مسكف*عشان تلحق العدلات"........قولت عشان ميطالبنيش بحساب المشاريب القديم...انزل و انا عامل نفسي مش زعلان.....
و في الطريق المدير قعد يقول"كله يصوت بنعم..و الا هياخد جزا و احنا مش قد الحكومة"...بصيت من الشباك لقيت خروف بيبصلي من نص نقل محملة خرفان!!!
خلصنا و رجعنا بعد ما كل واحد قال صوت الحكومة الجهوري..و لحوس صباعه بالحبر الفسفوري..و اغلبنا مش فاهم بيعمل ايه..بس ادينا بنقلد المدير..وفيها ايه...!؟
و انا مروح افتكرت الباذنجان اليومي...رحت واخد بعضي و جري على عم بيومي ..راجل غلبان من غير سنان..بيبيع خضار في آخر الدنيا..بتبهدل لما اروح له بس ناس كتير بيقولوا خضاره مية مية..و طلع عم بيومي كيس اصفر و حطلي فيه الباذنجان...
و نزلت رمسيس آخد مواصلة...و اول ما نزلت لقيت عساكر و ضباط في كل حتة..سألت هو فيه ايه..قالوا في مظاهرة....قلت اتمشى بعيد عن الدوشة يمكن الاقي حاجة اركبها..و فجأة الحرب قامت...و الضرب اشتغل من الامن المركزي..و من خوفي قلت اجري..بس على مين ..لما جريت افتكروني من الهربانين..و قلت للعسكري "انا مليش دعوة....انا مواطن في حالي..و اغلب من الغلب زيك و اكتر."..قالي"الاوامر اني اضرب كل اللي يمسك اصفر"..اتاري المظاهرة لحركة كفاية و مع اول عصاية ..اتقطع الكيس و اتبعثر الباذنجان...
مضروب في كل حتة..و هدومي متقطعة لمليون حتة...بجرجر في رجلي من كتر العذاب ..و طعم الدم في بقي مخلوط بالتراب...مش قادر اقول بيني و بين نفسي آه...و..."امشي يا حمار"..و صوت الخرزانة رن في ودني.."معقولة لحقوني لهنا؟"..ببص ورايا لقيت عربجي بيضرب حماره.."شي حا""..مش عارف ليه حسيت ان الحمار بقولي"حاسس بيك يا غلبان"!؟
و اخيرا ..هعدي الشارع و اكون قدام بيتنا...بس الحمدلله مش هنتغدى باذنجان...و انا بعدي الشارع خبطتني عربية و رحت في خبر كان..
في المستشفى
"آدي حكايتي...طول عمري جنب الحيط لحد ما وقع عليا...مش عايز من البلد دي حاجة..غير..غير..غير......"
"مرزووووووووووووق...مات و كان نفسه في الباذنجان!!!!!؟"
قالت زوجته
ملحوظة:عشان نبقى متفقين..البوست ده فانتازيا بحتة..يعني لا فيه اهانة لحد..ولا تقليل من حد..ولا شتيمة حد..ده مجرد سخرية من احداث ملخبطة و المعنى بين السطور..و احترامي للجميع
103 comments:
مشكلتك انى عارفة رأيي
------------
مضروب في كل حتة..و هدومي متقطعة لمليون حتة...بجرجر في رجلي من كتر العذاب ..و طعم الدم في بقي مخلوط بالتراب...مش قادر اقول بيني و بين نفسي آه...و..."امشي يا حمار"..و صوت الخرزانة رن في ودني.."معقولة لحقوني لهنا؟"..ببص ورايا لقيت عربجي بيضرب حماره.."شي حا""..مش عارف ليه حسيت ان الحمار بقولي"حاسس بيك يا غلبان"!؟
------------
"مرزووووووووووووق...مات و كان نفسه في الباذنجان!!!!!؟"
------------
بجد عايزانى اقولك ايه ؟؟؟
يارنا وقت الكلام انتهى
مبقاش فاضل غير ........
سحقاً لذلك الطاغية الملعون
الذي قتل فينا كل شئ
على فكره انا جيت قبل صاحب البوابه بس النت علق معايا وكنت عايز احجز اول تعليق المهم هطلع بقى اقرى البوست وادخل اعلق تانى
طيب وصلنا و الحمد لله
انا باستنى تدوبناتك و ربنا
بتعجبني جدا
انا هنا قبل الجوز دول
:)
بس على ما قريت البتاعة الجمادة دي
مش اسمها بتاعة برده
:)
و لو سمحتي لاش غلط في البتنجان لانه تقريبا من بقيت عيلتنا
جميلة جدا جدا
ربنا يحميكي
و ياااااارب تروحي الجنة
هش البنى ادمين دول
امشى يا حمار
ربنا يخرب بيوتهم زى ما بيعاملونا مثل الحيوانات
أولا أنا من عشاق الباذنجان وحتى اسألي ورايا
فكرتيني بفلم لشارلي شابلن واحنا صغيرين كان ماشي وبعدين فيه مظاهررررة والبوليس بيطاردهم
وبعدين الراية الحمرا وقعت فقام مسكها بيبص وراه لقى المظاهرة وراه وهو القائد
البوليس مسكه
so you are the leader ?
مش مرزوق اللى يموت و هوه حتى مش عارف يطفح البدنجان اللى اشتراه..
عليه العوض و منه العوض يارب
نقطة........انتي موهوبة جدا جدا
حسستيني بالتعب فعلا وانا بقرأ قصة يوم مرزوق وهتفرج ان شاء الله وكلنا هناكل الباذنجان
مرزوق مات وكان نفسة فى البتنجان
ياترى كام واحد مات وكان نفسة فى البتنجان مش اللحمة
عجبتنى أوى طريقى العرض دى
طريقة هزليه ميضحكش عليها الا انسان دماغه فاضية مبيقراش الا الحروف وبصراحة كده مبيشوفش
جزاك الله كل خير اختى
وحسبى الله ونعم الوكيل
السلام عليكم
طول عمري بسمع عن الادب البتنجاني ... بس اول مرة ادوقه
انا مش لاقي كلام وللاسف ماعنديش كاميرا احط صورتي وانا بأصفق احتراما للكلام اللي ف التمام
بجد احسنت و مش شايف قدامي دلوقت غير الاتوبيس وهو ماشي جنب عربيه الخرفان
احساس مهين
ولتاني مره شكرا يا ضمير
ياااااااااااااه يا رنا
قد ايه كلامك حلو...فكرتيني بطريقة عيسى بن هشام بتاع زمان...الي كان بيحكي حكايات للناس في المقاهي والحمامات...بطريقة السجع ذو المقامات..لكن طريقة السرد القصصية عندك نستني السجع..وحسيت قوي بحالة القهر...يا رب الا من فجر بعد هذا الظلام!!...ربنا يهون علينا ايام الدنيا...في حديث يا رنا...عن الرسول ان من علامات اخر الزمان ان الرجل يمر على قبر الرجل..فيقول ليتني صاحب هذا القبر..من القنوط في الدنيا واليأس من الحياة...ربنا يبارك فيكي و يحميكي يا رنا..تحياتي لأغلى نقطة مية
رااااائعة بجد
ماشاء الله موهبة جمييلة جدا يا ريت تنميها و ربنا يحفظك يا بنتى و الله
انا مش عارفة أعلق لكن كل كلمة حكيتيها في الحكاية هي عبارة عن تدوينة لوحدها من الحاجات اللى بيشوفها المواطن الغلبان
إلى الأمام و ربنا يوفقك
تحياتي
صحيح والله انا برضه فكرت اذا الواحد كان شغال فى الحكومة واتفرض عليه انه يدلى بصوته والا يرفدوه او يخصموا منه كان هيعمل ايه اكيد اى حد لموش مبدا ومقضيها كده طبعا هيمشى مع الموجة الناس علموها الخوف والجبن والرعب على لقمة العيش والله النا دول اللى بتعمله اجرام فى حق الشعب انهم يعلموهم الرعب كده ليهم يوم
بوست جامد جدا
ومتعب
حسيت فيه بالحر واللزقة اللي كان فيها في حضن الراجل التخين
وشميت الريحة
وحسيت بيه وهو طالع السبع ادوار
وهو نازل
وهو مش فاهم حاجه
وحسيت بيه وهو بيقول لنفسه ليه انا في حالي
طالما اللي في حالة برضه بيجراله
يبقا المفروض مكونش في حالي
ابقا مع حال الناس
وده هو يبقا حالي
المفروض أقرأ البوست ده فى المطبخ
بس جميل
الغالي صاحب البوابة
هو فعلا مشكلتي اني عارفة رأيك..
:-)
و برضه يهمني اسمعه...
و عارفة حتى المقاطع اللي هتشدك في البوست...
:-)
بجد هتوحشني جدا يا اخي العزيز..
بس مقولتليش...ايه الباذنجان اللي نفسك فيه في مصر...؟ماهو كل واحد عنده باذنجان نفسه فيه
:-)
بوابي الجميل...في ناس لسه جواهم عايش و بيقاوم الاختناق...زيك مثلا...ربنا يكثر من امثالك
طبعا عارف ان المية منورة بوجودك مش محتاج اقولك
و ما شاء الله اول تعليق في تقريبا آخر بوست..جنب السواق يعني
:-)
حزين
هية النت عملتها معاك..هستنى رأيك في البوست يا صديقي...و منور المية اول او آخر واحد
تحياتي
علاء
حمدلله على السلامة...و الله يشرفني جدا انك بتقرأ تدوينات العبدلله..و الله اخجلتني بذوقك..و انت و الجوز دول منوريني دائما
:-)
و نعتذر للسيد الاستاذ العلامة..الباذنجان..اهو قرايبه ابتدوا يبهدلوني اهو!!؟
:-)
و بعدين اي تشابه اسماء فهو من سبيل الصدفة و لا يمت للواقع بصلة..
:-)
سعيدة ان البوست عجبك..وربنا يبارك فيك و يجمعنا و اياكم في الجنة ان شاء الله
عازف الناي
آمين يا رب العالمين...
تحياتي و منور المدونة
عصفور المدينة
صادق والله من غير ما اسأل وراك ولا حاجة...
:-)
وآدي بوست بحاله عن الباذنجان..
=====
all our problems are because of the leader...
:-)
تحياتي
العزيزة سكوت هنصوت
و الله كسفتيني بكلامك..ربنا يكرمك...بس حتى انا السجع ضاع مني في مقاطع كدة..
و الله فرحت ان البوست عجبك..
:-)
و شكلنا في علامات آخر الزمان...ربنا يصلح حال البلد دي و اهلها يارب...
نورتيني يا غالية و زيارتك شرف للمية..
ربنا يوفقك و يبارك فيك
الصديق البشمهندس زحل الفلكي
ليه انا في حالي
طالما اللي في حالة برضه بيجراله
يبقا المفروض مكونش في حالي
ابقا مع حال الناس
وده هو يبقا حالي
=============
معاك حق فعلا..و شكلك تخيلت البوست خالص
لدرجة الريحة..كويس متخيلتش الضرب و خبطة العربية..ربنا يحميك
:-)
و يفرحني ان البوست عجبك
مصراوي اوي
ربنا يخليك..اخجلتم تواضعنا..و سلامتك من التعب..
و يارب تفرج بقى لحسن الناس هتفطس..
منور المية
العزيزة
الحلم العربي
يا ايوية يسعدني و يشرفني ان البوست عجبك و حسيتي بيه...ربنا يكرمك..و مكانتك في المية محفوظة دائما..و دائما منوراني
جامدة قوي المعلقة دي
اهوكده المصري متبهدل في كل حتة وأقصى امانيه بتينجان
مبقاش فيه فرق كبير
يعنى بص للخروف وهو محمل على العربية
وهو كمان متحمل فى الاتوبيس
عجبت لك يا زمن
جمييييييييييييييييل0
جميل
طبعا انا مش هقول راي في الفكرة ولا الحدث .. دا لا يعني الا مواطني الدرجة العاشرة انما مواطني الدرجة الخمستاشر فتخطوها من زمنا ن .
النص جميل . مش لأنه على نسق المقامات بس . لأ . كمان لأنه في نصفه الأول يكاد يكون موزون أحيانا .
جميلة بجد تقنية الكتابة دي .
بجد جميلة مميزة و مفهومة انا كنت بمر في المدونات لقيت حد شكرك و بيمدح ف اسلوبك مرت عجبني بجد ادائك لطيف و سلس
بس هو كان لازم يموت مينفعش يعيش و يغير حياته؟؟؟؟؟؟؟؟؟؟؟؟؟؟؟؟و لا يسافر بره
هههههههههههههههههههههههههههههههه
الأخت الكريمة
السلام عليكم ورحمة الله وبركاته
أحيى أسلوبك الرائع
والذى برع فى تقديم صورة ساخرة لواقع حقيقى مؤلم
ما قدمته أختى: هو نقطة مية فى محيط الحياة
تقديرى واحترامى
أخوك
محمد
مفيش كوسة
اسلوبك مسخره
ايه يابنتي دا
عسل
بس المعني مش بس في المضمون
المعني في الباذنجان
تحياتي
جامد جدا
ولا كاني في الف ليلة وليلة
عشت الاحداث كلها كاني فيها
وصف جامد ومشاعر ولا اجمل
وعبر وحكايات مليانة جوة جوة
بص يا عمنا اللى بينا السطور واللى تحت السطور واللى فوق السطور كله معروف ومفهوم مين الحرامى والظالم والغشاش والوريث وسلملى على التهييس
تحفة تحفة تحفة
صديقتى نقطه كالعاده رائعه مبدعه خفيفة الظل عميقة المعانى ......
كلامك لا تعليق عليه بيلخص حالة البتنجان التى نعيشها
.......
تحياتى لقلمك المبدع الهادف (فعلا فعلا وبدون اية مجاملات )
الى الامام يا نقطه
فكرنتى بالمقامات بتاعت الهمذانى
والله يا صاحبي حتى لو كان الكلام ده في تجريح لحد
هو جااااامد جدا
سخرية جميلة واسلوب مشوق ورائع
من البوستات الطويلة القليلة اللي بجد حزنت لما خلصت
هروح ادعبس في المدوتة كده
اية الجمال دة رائع رائع بجد
تحفة
كل دى ناس جت عبان ما خرجت ورجعت اقول رأى
بسم الله ربنا يبارك
البتاع اللى انت كاتباه دا مش بردو ينفع اقول عليه بتاع
:-)
البتاع دا مش عارف ليه فكرنى بالفول اه والله جايز عشان انا مش بحب اى نوع من انواع البتنجان
المهم انى افتكرت الفول واحلى حاجه عجبتنى الملحوظه اللى فى الاخر
وتقريبا انت كاتبه البتنجان دا من ايام التعديلات بس لسه بتعرضيه دلوقتى او هو كان فى المدونه وانت نشطتيه
وكل بتنجان وانت طيبه
عجبنى كمان السجع اللى انت عاملاه
ومنورانى دايما
ههههههه
جميل جدا وبتنجاني جدا
تحياتي جدا جدا
انا لفيت عندك
عجبتني روحك قوي لاني من أنصار فكرة نقطة المية وطوبه علي طوبة
ولفيت في البوستات كلها بجد عندك جو حلو قوي
بس للأسف مشربتش عندك ولا حتي نقطة ميه
بس الوجبة الفكرية كانت دسمة قوي ولعل داالسبب أني معرفتش اشرب بعدها حاجة
تحياتي
طبعا الأسلوب ماعليهوش خلاف
جميل بجد
مش حاجة تانية
تصوير جميل لواقع للأسف القطاع العريض من شعب بلدنا العريق
ربنا ياخد الـ .............
من غير شتيمة برده
وجزيتم خيرا أختي نقطة ميه
ومرة أخرى أسلوب رائع
أرى ان المصيف قد أخذك من عالم التدوين
الى عالم التصييف
:)
ننتظرك فلا تغيبي عنا
تحياتي
بصيت من الشباك لقيت خروف بيبصلي من نص نقل محملة خرفان
حلوة قوي...احييك
انا متبرع بالبتنجان لمرزوق وكل محتاج ...
بس ينضم لجماعة محبي البتنجان
ههههههههههه
....
,,لخبطي الواحد بالبوست ده
تحياتي
ما شاء الله ايه الابداع ده
موضوع جميل وهادف
واسلوب متميز ما شاء الله
حتى الباذنجان لا نستطيع توفيره
وان كان هناك أمل ان نأكله ولكن بعد ان ينتهي التفاح و..المشمش
مع تحياتي
السلام عليكم
انا كل الى عاوز اعرفه
هو الخروف كان رايح ينتخب
ولا احنا الى روحنا انتحبنا الخروف
اوعى حد يرد على سؤالى انا بقولكم اهو
ههههههههه
بجد بوست أكثر من رائع
تحياتى ليكى
هههههههه
ياحرام يامرزوق
في منو كتير يانقطة مية
بس الحمد لله انو احنا لحقنا نتهنا بالبتنجان
ههههه
بس اخراج البوست هايل بجد
والوصف فوق الخيال
واهم حاجة التعليق الي حطيتيه بالآخر
كدة نضمن انو هنشوف بوستات تاني و مش هنروح نشتري حلاوة وعيش ليكي
الله يفتح عليكى
ومنين نجيب ناس لمعناة الكلام يتلوه
وهو يقول يتلوه من التعب وانا بقول يتلوه يعنى من التلاوه
ففكرت لقيت ان هى يتلوه من التعب والمرض أحسن
يعنى اللى بيقول نعم بيأخذ على دماغة واللى بيقول لأ كمان
يبقى لازم منعملش حاجة الا واحنا مقتنعين بيها مادمنا هنأخد على دماغنا
كدة كدة
قصة حلوة بجد بس على فكرة إنتى ظلمتى البتنجان هو مش وحش للدرجادى
انا برضو بقول يمكن لو كان كل كوسه
مكانش جرى اللى جرى
queen eraser
مرزوق الله يرحمه..كان مفروض عليه كل حاجة في الدنيا حتى الباذنجان...
ربنا يصلح الحال
منورة المية
الجميلة ايوية
لحمة ايه بس..اغلب الشعب مصورها يوم العيد الكبير و حاطط صورتها جنب شهادة التخرج فوق الانتريه بتاع الصالون
:-)
منورة المية
مؤمن محمد
اشكر الاشادة بطريقة العرض جدا..و ده اعتقد هو شر البلية ما يضحك...ربنا يصلح احوال بلدنا بجد الناس تعبت
منور المدونة كعادتك
تحياتي
احمد عبد الفتاح
شوفت بقى اديك دقت الباذنجان...يا بختك..حلوة حكاية الادب الباذنجاني دي
:-)
منور المية
ولو
بجد الف شكر على كلماتك الرقيقة و اشادتك بالبوست..و يسعدني انه نال اعجابك...و تخيلته كمان..ربنا يصلح حال بلدنا
اشكرك كثيرا
و منور المية كعادتك
ibnyosry
لو هتقراه في مطبخ الحكومة"اللي هو مصر و شوارعها"..اكيد هتيجي تحكيلي و هتشوف كتيييير
اشكر الاشادة بالبوست
تحياتي
متغيرة شوية
اسعدني اشادتك بالبوست جدا...
و المصري دايما مفروض عليه حاجات غريبة زي الباذنجان
منورة المية
العزيزة سجدة...منورة المدونة كعادتك جدا...و للاسف الحكومة بتعاملنا زي الخرفان اللي في العربية...ربنا يصلح الحال
تحياتي يا جميلة
احمد المصري
اشكر الاشادة بالبوست جدا..و اشكر الزيارة الجميلة و يارب دائما
منور المدونة
الاخ امام الجيل
اللي اتفرض عليه الواقع ده في الشغل..مش مسألة انه معندوش مبدأ...مسألة انه الحكومة بتدوس على ضميره بجزمة السلطة..و بتهدده في رزقه اللي بالكاد يكفيه...شعبنا غلبان قوي...
منور المدونة كعادتك
تحياتي اخي الفاضل
اخي محمد العدوي
اشكر اشادتك بالبوست كثيرا..و فعلا الوزن راح مني شوية في الآخر بس اعتمدت على الحبكة بتاعة الحدوتة تغفرلي شوية...
منور المية
تحياتي
اللهو الخفي
اشكرك جدا..و اشكر اللي مدح في اسلوبي كمان و اللي خلاك تنور المدونة المتواضعة..انا فكرت لقيت ان ربنا ارحم واحد بعباده..فكان لازم يموت اكرمله
:-)
هيسافر ازاي اذا بقاله كتير بياكل باذنجان...هو يموت اسهل
:-)
منور المدونة في اول زيارة و يارب دائما
تحياتي
اخي محمد الجرايحي
و عليكم السلام و رحمة الله و بركاته
اشكر اشادتك بالقصة كثيرا فهي شهادة اعتز بها من استاذ مثلك...
بارك الله فيك
تحياتي
مجهول
ماهو الكوسة اغلى من الباذنجان..و محتاجة معارف
:-)
بالله المستعان
تعليقك اسعدني جدا..و فرحت ان البوست عجبك..و صدقتي..المعنى في الباذنجان
:-)
منورة المية
lemonada
ازيك يا جميلة...منورة المدونة..و الله اسعدني ان البوست عجبك...و شكله الف ليلة و ليلة...بس بجد...
منورة المية دائما
تحياتي
ابن ناصر
يا بختك يا عم عندك باذنجان و كمان بتتبرع بيه..جعله الله في ميزان حسناتك...
:-)
حلوة فكرة جماعة محبي الباذنجان دي جدا..
:-)
كدة الشعب كله يقدر يتجمع لتحقيق باذنجانه من غير ما الحكومة تمسك علينا حاجة
:-)
و اختلاف الباذنجان لا يفسد للود قضية
منور المية
العزيز منذر
السؤال ده تسأله للخروف!!!!!!!؟
:-)
اسعدني ان البوست عجبك
و منور المية كعادتك
تحياتي
قومي الى الابد
انا بنت و الله..بلاش عمنا دي
:-)
و السطور نفسها اشتكت من كتر المعاني اللي فيها...
منور المدونة في اول زيارة و يارب دائما
البدراوي
منور المدونة في اول زيارة و يارب دائما..و اشكر الاشادة بالبوست جدا
تحياتي
كل دة ومسمية نفسك نقطة مية ؟؟
هى الحالة بقت بتنجان خالص
ربنا يرحمنا برحمته
حمد الله على السلامه
الجميلة كرانيش
الكوسة عايزة معارف و الذي منه لكن الباذنجان مرمي في كل حتة
منورة المية
العزيزة هدى جمال
اولا مبروك النجاح يا جميلة ..
اشكر اشادتك بالبوست جدا لانك صحفية قوية صاحبة موهبة...و منوراني دائما
تحياتي
كراكيب عادل
اصل فيه ازمة مية دلوقتي و مش حابة ان الحكومة تلزقها فيا لو سميت نفسي اكتر من نقطة
:-)
منور المية
الجميلة بحبك يا مصر
وحشتيني يا شوشو و مبروك النجاح و حمدلله على السلامة..و فعلا الحالة اللي احنا عايشينها بتنجان خالص
منورة المية دائما
جمعاوي روش طحن
الهمذاني مرة واحدة..ربنا يخليك و نورت المدونة في اول زيارة و يارب دائما
تحياتي
محمد
اشكر الاشادة بالبوست كثيرا...و الله ما ظلمت الباذنجان..هو اصله اغلب الوقت مفروض علينا بسواده و قتامة ظروفه
تحياتي
احمد سلامة
والله انا بنت مش ولد...انا خليت مرزوق يموت في آخر القصة مش مراته من باب التحيز حتى
:-)
منور المدونة في اول زيارة و يارب تنورها دائما...
و سعيدة ان البوست حاز اعجابك و المدونة تحت امرك دعبس فيها زي ما انت عايز
منور المية
mariamagdolen new
الله يخليكي اخجلتم تواضعنا...منورة المية في اول زيارة و يارب دائما
تحياتي
الصديق حزين
الله يسلمك يا صديقي...
و النت قطعت عندك كتييييير
:-)
و بعدين فول...ده انت كدة متفائل
:-)
اما الملحوظة اللي في الآخر عشان محدش يقولي اني بشتم حد ولا برمي كلام على حد رغم اني مجبتش حاجة من برة كله واقع و كله وارد في الدنيا دي بس في ناس لسا مش عايزة تسمع الحقيقة..و لأ مش من ايام التعديلات..مكنتش لسه عملت مدونة..هي فكرة و طقت في دماغي..
:-)
منور المية
تامر حسين
ازيك يا فنان
اشكر الاشادة بالبوست جدا..و البتنجان بيشكرك كمان
:-)
تحياتي
الخيط الرفيع
منور المدونة في اول زيارة و يارب دائما..و اشكر اعجابك بالمدونة شىء يسعدني جدا و يشجعني الحقيقة...و معلش اصل ازمة المية شكلها وصلت للمدونة..
منور المية
bedo
اشكر الاشادة بالبوست جدا
......
و من غير شتيمة
:-)
مش هتفرق و الله...الشتيمة في تقبلنا للواقع..و شكلك فهمت الملاحظة كويس
:-)
منور المية
الغالي صاحب البوابة
عارف لما قريت تعليقك ده..اعدت اضحك لاني نسيت اكتب اني رايحة المصيف
:-)
و هتأخر في التعليق..و كنت ناوية اكلمك اقولك تكتب حاجة كدة عندي
:-)
والله
بس كعادتك سباق بالخير
ربنا يبارك فيك
marvel
اشكر الاشادة بالبوست جدا و منور المدونة في اول زيارة و يارب دائما
تحياتي
mo7amaad
ربنا يبارك فيك و يسعدك زي ما اشادتك بالبوست اسعدتني...
منور المية
حائر في دنيا الله
مشمش و تفاح ايه يا راجل..هو الحاجات دي لعامة الشعب كدة..هو الواقع باذنجان..بسواده
منور المية
تحياتي
yakoote
الف شكر منور المية
dr-killer
ازيك يا دكتور..
اشكر اعجابك بالبوست جدا..
و مين بيتهنا بالبتنجان..الله يرحمك يا مرزوق
:-)
انا مبحبش الحلاوة..مشيها مربى
:-)
منور المية كعادتك
تحياتي
الطائر الحزين
فعلا"يعنى اللى بيقول نعم بيأخذ على دماغة واللى بيقول لأ كمان
يبقى لازم منعملش حاجة الا واحنا مقتنعين بيها مادمنا هنأخد على دماغنا
كدة كدة"
ربنا يحمي كل من كان عنده راي او بيعمل حاجة مقتنع بيها
منور المية
مش عارف يا صاحبي انت فهمت منين اذا كنت انا قلت انك واحده
عموما البوست بردو لسه عاجبني جدا
بس ابق ركز بقى وانت بتقرا التعليقات
:)
سلامي
احمد سلامة
انا نقطة مية بنت...والله بنت مش ولد...واحدة يعني
:-)
هههههههه
طيب خلاص اقتنعت
الباذنجان اله كتير استعمالات ..
وكل واحد حسب شطارته ..
يعني مرزوق مات ونفسه فيييه ..
بس هاي الدنياااا .. يوم الك وعشره علييك
ابدعتي يا مبدعه
تحيتييي
نسمه هوا
هههههههههههههههههههههههههههههههههههههههههههههههههههههههههههههههههههههههه
جامده جدا يارنا
راح ضحية البتنجان
Post a Comment